اتىراۋ وبلىسىنىڭ قىزىلقوعا اۋدانىنداعى كونە قورعاندارعا ارحەولوگيالىق قازبا جۇمىسىن جۇرگىزىپ جاتقان ستۋدەنتتەر وسىدان 2 مىڭ 200 جىل بۇرىن جەرلەنگەن ادامداردىڭ قاڭقاسىن تاپتى. بۇل تۋرالى قامشى اقپاراتتىق اگەنتتىگى 24.kz-كە سىلتەمە جاساپ حابارلايدى.

جالپى اۋماعى 50، بيىكتىگى 1 جارىم مەتر بولاتىن قورعاننان التىن بۇيىمدار قولادان جاسالعان اينا، مونشاق-اشەكەيلەر، سەمسەر مەن ساداق جەبەلەرى شىقتى. تاريحشى عالىمدار  «بۇل بۇيىمدار ءبىزدىڭ داۋىرىمىزگە دەيىنگى 2-عاسىرعا، ياعني تەمىر داۋىرىنە تيەسىلى» دەپ وتىر. جالپى سارمات قورعاندارىنىڭ قۇپياسىن اشۋ وبلىس اۋماعىندا 2005 جىلدان بەرى جۇيەلى تۇردە جۇرگىزىلىپ كەلەدى.  بۇعان دەيىن وسى قاراباۋ اۋىلى ماڭايىنان «قورعانشا» قالاسىنىڭ دا ورنى تابىلعان بولاتىن. جەرگىلىكتى ارحەولوگتاردىڭ بيىلعى قازبا جۇمىستارى دا جەمىسىن بەرە باستادى. «جالپى وبلىس بويىنشا ءالى زەرتتەلمەگەن جۇزدەن استام كونە قورعان بار»، - دەيدى ارحەولوگتار.

مارات قاسەنوۆ، ارحەولوگيالىق توپتىڭ جەتەكشىسى:  - قاراباۋ وبالارىنىڭ ەرەكشىلىگى سوندا، بۇل سارمات ءداۋىرىنىڭ كاسپيي ويپاتى مەن باتىس قازاقستانداعى كوپتەگەن وبالارعا ۇقساس. ءبىر وبادان 3 ءقابىر تابىلىپ وتىر. سونىمەن بىرگە ءالى دە قازبا جۇمىستارىن جالعاستىرساق، 6-7 ءقابىر بولادى. ءبىز تەك قانا ءقازىر ءبىر عانا وبانى تازالاپ ۇلگەردىك.

شولۋشى: ايگەرىم تاۋباي