استانا قالاسى ءىىد جەدەل باسقارۋ ورتالىعىنىڭ «102» كانالىنا كورمە اۋماعىندا "جارىلعىش قۇرىلعى ورناتىلعان"، - دەپ بەلگىسىز ەر ادام قوڭىراۋ شالعان، دەپ حابارلايدى قامشى اقپاراتتىق اگەنتتىگى قازاقپاراتقا سىلتەمە جاساپ.

جەدەل-ىزدەستىرۋ شارالارىن وتكىزۋ كەزىندە قىسقا ۋاقىت ارالىعىندا ەلوردالىق پوليسەيلەر وڭتۇستىك قازاقستان وبلىسىنىڭ 32 جاستاعى تۇرعىنىن قولعا ءتۇسىردى. ول ماس كۇيىندە اتالعان بۇزاقىلىقتى جاساعاندىعىن مويىندادى. مەديسينالىق كۋالاندىرۋدىڭ قورىتىندىسىنا سايكەس ەر ادامنىڭ ماس  ەكەندىگى انىقتالدى. 

اتالمىش فاكت ق ر قك 273-بابى (تەرروريزم اكتىسى جونىندە جالعان اقپارات تاراتقانى ءۇشىن) بويىنشا سوتقا دەيىنگى تەرگەۋلەردىڭ ءبىرىڭعاي تىركەۋىنە الىندى.

ۇستالعان كۇدىكتى ۋاقىتشا ۇستاۋ يزولياتورىنا قامالدى. تەرگەۋ جۇرگىزىلۋدە.

پوليسەيلەردىڭ قولدانۋىنداعى زاماناۋي تەحنولوگيالاردىڭ ارقاسىندا اتالعان قىلمىستىق زاڭ بۇزۋشىلىقتاردى جاساعاندار ءبىر كەزەكشىلىك تاۋلىكتىڭ ىشىندە انىقتالىنادى. مۇنداي ارەكەت قىلمىستىق جاۋاپكەرشىلىككە اكەلىپ، ماتەريالدىق زالال وندىرىلەدى. 

ايتا كەتەيىك، 2015 جىلدىڭ قاڭتارىنان باستاپ دايىندالىپ جاتقان تەرروريزم اكتىسى جونىندە جالعان حابارلاما تاراتقانى ءۇشىن قىلمىستىق جاۋاكەرشىلىكتىڭ قاتاڭداتىلعاندىعى جانە ول ءۇشىن التى جىلعا دەيىن باس بوستاندىعىنان ايىرۋ جازاسى كوزدەلگەن. سونىمەن قاتار، مەكەمەلەردىڭ جانە ۇيىمداردىڭ قىزمەتىنىڭ جۇمىس كەستەسىن بۇزعانى ءۇشىن جارىلعىش قۇرىلعى تۋرالى جالعان قوڭىراۋ شالعان بۇزاقىلاردىڭ ماتەريالدى زالال كەلتىرگەنى ءۇشىن ميلليونداعان تالاپ حاتتار تولتىرىلدى.