استانادا فونتان سۋىمەن قاسىق جۋعان ساتۋشى ايەل جالعان قۇجاتپەن جۇمىس ىستەگەن، - دەپ حابارلايدى Tengrinews.kz قالالىق استانا قالاسىنىڭ كاسىپكەرلىك جانە ونەركاسىپ باسقارماسىنىڭ باسشىنىڭ ورىنباسارى رۋسلان ىدىرىسوۆقا سىلتەمە جاساپ.

استانا ورتالىعىندا ساتۋشى ايەلدىڭ بالمۇزداق قاسىعىن فونتان سۋىمەن جۋعانى تۇسىرىلگەن ۆيدەونى تاياۋدا الەۋمەتتىك جەلىدە قولدانۋشى تيمۋر ورازاقوۆ جاريالانعان. ۆيدەو از ۋاقىتتىڭ ىشىندە جيىرما مىڭنان اسا قارالىم جيناپ، قولدانۋشىلار ايەلدىڭ بۇل ارەكەتىن سوكتى. 

"تەكسەرىستەن كەيىن ايەلدىڭ جالعان قۇجاتپەن جۇمىس ىستەگەنى بەلگىلى بولدى. ول ۇسىنعان قۇجاتتار باسقا كاسىپكەرگە تيەسىلى. الايدا، وسى بيزنەسمەنمەن حابارلاسقانىمىزدا ول بۇل ساۋدا نۇكتەسىنە ەشقانداي دا قاتىسى جوق ەكەنىن ايتتى. ول نۇرجول گۇلزارىنداعى ساۋدا ورنىندا كىمدەردىڭ جۇمىس ىستەگەنىن بىلمەيتىن دە بولىپ شىقتى"، - دەدى ىدىرىسوۆ.
 

وسى وقيعادان كەيىن ەلوردادا ساۋدا ورىندارىندا الدىن الۋ رەيدتەرى جۇرگىزىلىپتى.

ال رەسپۋبليكالىق قوعامدىق دەنساۋلىقتى ساقتاۋ جونىندەگى كوميتەت وكىلدەرى ازاماتتاردى كۇماندى ساۋدا ورىندارىنان ازىق-تۇلىك ساتىپ الماۋعا شاقىردى.

شولۋشى: اسەم المۇحانبەت