شىمكەنتتىڭ ىرگەسىندەگى تەلمان بولىمشەسىندە 1،5 جاسار ءبۇلدىرشىن تەرەڭ شۇڭقىرعا قۇلاپ كەتتى. ابىروي بولعاندا بالا 6 مەتر تەرەڭدىككە سالىنعان بەتوننىڭ اراسىنا تۇرىپ قالىپ، امان قالعان، دەپ حابارلايدى قامشى اقپاراتتىق اگەنتتىگى وتىرار جاڭالىقتارىنا سىلتەمە جاساپ.

وقيعا ورنىنا جەتكەن قۇتقارۋشىلار ءبىر جارىم مەتر تەرەڭدىكتەگى تەمىر بەتوندى ارنايى قۇرالدارمەن ءبولىپ، اراسىنا تۇرىپ قالعان ءبۇلدىرشىندى شىعارىپ الدى. قۇتقارۋشىلار جاساعىنىڭ جەتەكشىسى پاۆەل ۆيشەنين «ەگەر بالا سول بەتوننىڭ ەكى ورتاسىنا تۇرىپ قالماعاندا، التى مەتر تەرەڭدىكتەگى شايىندى سۋلار جينايتىن شۇڭقىرعا قۇلاپ كەتەر ەدى، وندا كىشكەنتاي بالانىڭ امان قالۋى ەكىتالاي ەدى، كورەر جارىعى بار ەكەن»، - دەيدى.

كەيىننەن ءبۇلدىرشىننىڭ اتا-اناسى جەدەل جاردەم قىزمەتىن شاقىرتقان. بالانى دەنساۋلىعىن تەكسەرگەن دارىگەرلەر ونىڭ ايتارلىقتاي جاراقات الماعاندىعىن ايتىپ، ۇيىندە قالدىردى.

شولۋشى: ايگەرىم تاۋباي