بريۋسسەلدىڭ پوليسيا قىزمەتكەرلەرى جارىلىس جاساۋعا ارەكەتتەنگەن  34 جاستاعى موروككالىق ازاماتتى تۇتقىندادى. ول قۇپيا جوسپارىن  بريۋسسەلدىڭ ورتالىق تەمىرجول ۆوكزالىندا ۇيىمداستىرۋعا ارەكەتتەنگەن جەرىنەن ۇستالدى. بۇل تۋرالى قامشى اقپاراتتىق اگەنتتىگى ۆۆس اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

ازىرگە قىلمىسكەردىڭ ءاتى-جونى انىقتالعان جوق. جەرگىلىكتى ءتارتىپ ساقتاۋ قىزمەتكەرلەرى كۇدىكتىنىڭ  مولەنبەك  اۋدانىندا تۇرىپ جاتقان ۇيىنە ءتىنتۋ جۇرگىزدى. بريۋسسەل تەرگەۋشىلەرىنىڭ ايتۋى بويىنشا پاريجدەگى  تەررورلىق ارەكەتكە قاتىسى بار كۇدىكتىلەردىڭ سىبايلاسى بولۋى مۇمكىن. ەستەرىڭىزگە سالا كەتەيىك قاندى قول ارەكەتكە بارعان باسقىنشىلار دا وسى اۋداننان تۇتقىندالعان بولاتىن.

قازىرگى تاڭدا قاتاڭ تەرگەۋ شارالارى قولدانىلىپ، جارىلىس ورىن العان  ماڭاي قاتاڭ تارتىپپەن باقىلاۋعا الىندى. 

شولۋشى: اقەركە مارات قىزى