پاۆلودارلىق قۇتقارۋشىلار مەن ەرىكتىلەر ەكىنشى كۇن قاتارىنان 15 جاستاعى نيكيتا كيزيبايەۆتى ىزدەستىرۋدە، دەپ حابارلايدى قامشى اقپاراتتىق اگەنتتىگى  pavlodarnews.kz ءتىلشىسى.

ەر بالانىڭ سۋعا باتىپ كەتكەنى تۋرالى اقپارات كەشە Instagram الەۋمەتتىك جەلىسىندەگى «كلۋب دوبرياكوۆ پاۆلودار» توبىندا جاريالاندى. «بۇگىن كيزيبايەۆتاردىڭ وتباسى قايعىلى جاعدايعا تاپ بولدى. ولاردىڭ ۇلدارى ميچۋرين اۋىلىنىڭ تۇسىندا ەرتىس وزەنىنە باتىپ كەتكەنى تۋرالى اقپارات تاراۋدا. بالانى كۋاگەرلەر سۋدان ساقتاپ قالا الماعان»، - دەپ جازىلعان حابارلامادا.

ەرىكتىلەر موتورلى قايىقتارى بار تۇرعىنداردان كومەك سۇراعان. جەلى قولدانۋشىلارىنىڭ كەيبىرى بالانىڭ جۇرەك اۋرۋى بار بولۋى مۇمكىن دەگەن پىكىر قالدىرۋدا. ءبىرىڭعاي كەزەكشىلىك-ديسپەچەرلىك باسقارماسىنىڭ باستىعى اسكەربەك وماروۆتىڭ حابارلاۋىنشا، ىزدەۋ شاراسىنا جەكە قۇرامنىڭ ءبىر سۋدا ءجۇزۋ تەنيكاسى مەن ءۇش قىزمەتشىسى تارتىلعان.

شولۋشى: ايگەرىم تاۋباي