الماتىدا № 4 قالالىق كلينيكالىق اۋرۋحاناسىنىڭ ماماندارى ناۋقاستىڭ مەدبيكەلەرگە تيىسكەن ءساتى تۇسىرىلگەن ۆيدەونى جاريالادى، بولجاممەن مارات تۇرىمبەتوۆ مەدبيكەلەرگە تيىسكەن، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ. ەسكە سالايىق، وسىعان دەيىن ول قاۋىپسىزدىك قىزمەتىنەن تاياق جەگەنى تۋرالى ايتىپ، الەۋمەتتىك جەلىدە شاعىمدانعان بولاتىن.
ۆيدەودا وقيعانىڭ 30 قاڭتاردان 4 اقپانعا دەيىن بولعانى ايتىلادى، № 4 اۋرۋحانانىڭ ماماندارى ۇسىنعان ۆيدەودا ناۋقاس مەدبيكەلەرگە قول جۇمساپ، ولاردىڭ ينتيم جەرلەرىن ۇستاپ، ءسۇيىپ الۋدى كوزدەيدى.
مەدبيكە جازعان شاعىمدارىنىڭ بىرىندە وسى ارەكەتتەردىڭ گەمودياليز پروسەدۋراسى كەزىندە بولعانىن ايتادى.
"ءوزىن ادەپسىز ۇستايدى، قاتتى ايعايلايدى، قىزمەتكەرلەرگە ۇرىسادى، ءبولىمنىڭ تىنىشتىعىن بۇزادى، ءان ايتىپ، قول جۇمسايدى، كەي كەزدەرى سەكسۋالدىق سيپاتتاعى ارەكەتكە دەيىن بارادى. پروسەدۋرا كەزىندە قولىڭنان سيپاپ، دەنە مۇشەڭنىڭ تومەنگى جاعىنا قول تيگىزەدى. ەسكەرتۋلەردى ەلەمەيدى، شاعىمدانامىن دەپ قورقىتادى نەمەسە جازۋعا سەبەپ ىزدەپ جۇرەدى. سول سەبەپتى مەن جۇمىستان كەتتىم"، - دەپ جازعان مەدبيكە باس دارىگەرگە جۇمىستان شىققان ءتۇسىندىرۋ كەزىندە.
تاعى ءبىر قىزمەتتىك حاتتا 2017 جىلى №4 اقپاندا اۋرۋحانا قىزمەتكەرلەرى باس دارىگەردەن شارا قولدانۋدى سۇرايدى. ناۋقاستىڭ ارەكەتتەرى قاۋىپسىزدىك قىزمەتىنە جەتكىزىلگەنى ايتىلادى. مەدبيكەلەرگە ناۋقاستىڭ ارەكەتتەرىن تەلەفوننىڭ كامەراسىنا ءتۇسىرىپ الۋ ۇسىنىلعان. باس دارىگەر قىزمەتتىك تەكسەرىس جۇرگىزىلگەننەن كەيىن وسى ءىستى قۇقىق قورعاۋ ورگاندارىنا جىبەرىلۋىن تاپسىرعان.
ەسكە سالايىق، وسىعان دەيىن مارات تۇرىمبەتوۆ الماتىداعى № 4 قالالىق كلينيكالىق اۋرۋحاناسىنىڭ قاۋىپسىزدىك قىزمەتى قول جقمساعانى تۋرالى شاعىمدانعان بولاتىن. وقيعا تۋرالى ول Facebook جەلىسىندە جازعان.
