وسىدان بىرنەشە جىل بۇرىن سۇيىكتىسىن قىزعانعان كاسىپكەر قايرات جامالييەۆ جاس جىگىت ءالىبي جۇماعۇلوۆتى اياۋسىز سوققىعا جىعىپ اۋىر قىلمىس جاساعان بولاتىن. سوت ۇكىمى بويىنشا 13 جىلعا سوتتالعان، دەگەنمەن، قىلمىسكەر جامالييەۆ وسى جىلدىڭ تامىز ايىندا بوستاندىققا شىعاتىنى بەلگىلى بولدى دەپ حابارلايدى قامشى اقپاراتتىق اگەنتتىگى.

وسىعان بايلانىستى بەلگىلى زاڭگەر دجوحار ۋتەكبايەۆ Facebook پاراقشاسىندا ءوز پىكىرىن ءبىلدىردى. 

دجوحار ۋتەكبايەۆ:

 «جوعارعى سوت وكىلدەرى كاسىپكەر قايرات جامالييەۆتىڭ قىلمىستىق مەرزىم ۋاقىتىن اقىرىنداپ 13 جىلدان 6 جىلعا قىسقارتتى.

ەستەرىڭىزدە بولسا، جامالييەۆتى استانا قالاسىندا جاس جىگىت ءالىبي جۇماعۇلوۆتى ەرىكسىز قاماۋدا ۇستاپ، اياۋسىز كۇش كورسەتكەنى ءۇشىن شىعارىلعان شەشىم بويىنشا سوتتاعان بولاتىن.  كاسىپكەر قايرات جامالييەۆتىڭ اۋىر قىلمىسقا بارۋىنا ازاماتشا اينۇر يسيناعا دەگەن قىزعانىشى سەبەپ بولعان.

مەنى زاڭ الدىنداعى ازاماتتاردىڭ تەڭسىزدىگى الاڭداتادى.

ەڭ سوراقىسى - جوعارعى سوت وكىلدەرى بۇۇ-نىڭ حالىقارالىق ازاماتتىق جانە ساياسى قۇقىقتار بويىنشا جاسالعان شەشىمىن بۇزىپ، قىلمىستىق ارەكەتكە بارۋى. ول قوعام الدىندا مويىندالعان شەشىمدى اياققا تاپتاپ وتىر.

قىلمىستىق ءىس سوت پروسەسسى كەزىندە كاسىپكەر قايرات جۇمالييەۆتىڭ اتىمەن جۇرگىزىلمەگەن. كاسساسيالىق قاۋلى جاسىرىن تۇردە جاسالىنعان.

جۇمالييەۆكە قاتىستى جۇمىس جۇرگىزگەن سوت وكىلدەرى بىزگە انىق ەمەس. تەك بايانداۋشى سوت  داۋلييەۆ ەرجان عانا بەلگىلى.

جوعارعى سوت جامالييەۆكە قاتىستى اقتاپ شىعارىلعان ۇكىمنىڭ سەبەپتەرىن قوعامعا جاريالاۋعا ءتيىس.

ەڭ قىزىعى – كاسساسياعا قاتىسقان باس پروكۋراتۋرانىڭ ارەكەتى. ولار جامالييەۆتىڭ ءوتىنىش-حاتىنا كەلىسىمىن بەرىپ وتىر».

شولۋشى ورازحان اقتولقىن