استانادا قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا گەرونتولوگتاردىڭ II ەۋرازيالىق سەزىنە قاتىستى.

ءىس-شاراعا قازاقستان رەسپۋبليكاسى پرەزيدەنتى ءىس باسقارماسى مەديسينا ورتالىعىنىڭ باسشىلىعى، رەسەي، اقش، ۇلىبريتانيا، جاپونيا، ازەربايجان، ۋكراينا، بەلارۋس جانە ت.ب. ەلدەردىڭ جەتەكشى عىلىمي ورتالىقتارىنىڭ وكىلدەرى قاتىستى.

سەزدە گەرونتولوگيانىڭ جانە گەرياتريانىڭ وزەكتى  ماسەلەلەرى – ىرگەلى،  كلينيكالىق،  مەديسينالىق-الەۋمەتتىك پروبلەمالار، بەلسەندى ءارى ۇزاق ءومىر ءسۇرۋ، ساپالى تۇرمىس جايتتارى، ساۋىقتىرۋ تەراپياسىنىڭ ەرەكشەلىكتەرى، ادامداردى وڭالتۋ جايى، ت.ب. ماسەلەلەر تالقىلاندى.

مەملەكەتتىك حاتشى قۇتتىقتاۋ سوزىندە 2025 جىلعا قاراي الەمدە ەگدە ادامدار سانى بۇۇ بولجامى بويىنشا 1 ملرد. 100 ميلليونعا جەتەتىنىن اتاپ ءوتتى. قازاقستاندا 2012 جىل مەن 2016 جىل ارالىعىندا جاسى 60-تان اسقان حالىق سانىنىڭ ۇلەس مولشەرى ەڭ كەمى 7%-دان 12%-عا دەيىن كوبەيگەن. ال ادام ءومىرىنىڭ ورتاشا ۇزاقتىعى 72 جاستان استى.

گۇلشارا ءابدىقالىقوۆا مەملەكەت باسشىسى نۇرسۇلتان نازاربايەۆتىڭ ۇزاق ءومىر ءسۇرۋ جونىنەن قول جەتكىزگەن دەڭگەيىمىز – ءبىزدىڭ باستى جەتىستىگىمىز ەكەنىن ايتقانىن جەتكىزدى. 

گەرونتولوگتاردىڭ II ەۋرازيالىق سەزىندە ەۋرازيا كەڭىستىگىندەگى گەرونتولوگتار قوعامداستىقتارىنىڭ جۇمىس تاجىريبەلەرى جيناقتالاتىن بولادى.