پەتر پوروشەنكو تۇڭعىش رەت اقش پرەزيدەنتى دونالد ترامپەن كەزدەستى.  بۇل تۋرالى قامشى اقپاراتتىق اگەنتتىگى korrespondent  اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

بۇقارالىق اقپارات قۇرالدارى  ۋكراينا پرەزيدەنتى مەن  ترامپتىڭ كەزدەسۋى  قانشا ۋاقىتقا سوزىلعانىن جانە قانشا رەت قول الىسقانىن ساناپ ۇلگەرگەن. باسپا ءسوز قىزمەتىنىڭ ايتۋى بويىنشا   بۇل ەكى ەل اراسىنداعى جاقىن قارىم-قاتىناستىڭ نىشانى بولا الادى.

پوروشەنكو ۋكراينا جاقىن كۇندەرى اقش ۇكىمەتىمەن ماڭىزدى كەلىسىمشارتقا  وتىراتىنىن، سونداي-اق ەكى ەل اراسىنداعى  ساۋدا-ساتتىق قاتىناسى مەن اسكەري-تەحنيكالىق ىنتىماقتاستىق جونىندەگى ساياسي قۇجاتقا قول قوياتىنىن  مالىمدەدى.

كەلىسسوز سوڭىندا ەكى ەل باسشىلارى  بىر-بىرىمەن قول الىسىپ، ترامپ ۋكراينا پرەزيدەنتىنىڭ ەل باسقارۋ ىسىندەگى  جەتىستىكتەرىن اتاپ ءوتتى.

رەسمي كەزدەسۋدەن كەيىن Fox News  جۋرنالىنا بەرگەن سۇحباتىندا پوروشەنكو ترامپتى رونالد رايگانمەن سالىستىرا وتىرىپ، اقش پرەزيدەنتىنىڭ  ۋكرايناعا قانتوگىسسىز تىنىشتىق سىيلاي الاتىندىعىن اتاپ ءوتتى. 

شولۋشى: اقەركە مارات قىزى