بايلانىس جانە اقپارات كۇنىنە وراي  «نۇر وتان» پارتياسى جۋرناليستيكاداعى ءسوز شەبەرلەرىن ماراپاتتادى دەپ حابارلايدى قامشى اقپاراتتىق اگەنتتىگى "نۇر وتان" پارتياسىنىڭ  باسپا ءسوز قىزمەتىنە سىلتەمە جاساپ. جىلدا "نۇر وتان" پارتياسى «نۇر سۇڭقار» رەسپۋبليكالىق بايقاۋىن جاريالايدى.  بيىلعى جىلى بايقاۋدىڭ قاراۋىنا وتاندىق بۇقارالىق اقپارات قۇرالدارىنىڭ 200  وكىلىنەن 600-دەن استام جۇمىس ءتۇستى.  

جەڭىمپازدار پارتيا قىزمەتى، ەلىمىزدىڭ ساياسي، ەكونوميكالىق جانە رۋحاني جاڭعىرۋى، ماڭىزدى قوعامدىق پارتيالىق باستامالار، پارتيانىڭ جاستار ساياساتى تۋرالى ۇزدىك ماتەريالدارى ارقىلى انىقتالدى. «جۇزدەن جۇيرىك، مىڭنان تۇلپار» شىققانداردىڭ اراسىندا  «Qamshy Media» ج ش س ديرەكتورى نۇرعالي نۇرتاي دا بار. ول «مەديا پروفي» اتالىمىن جەڭىپ الدى. 

جەڭىمپازدار 8 اتالىم بويىنشا ماراپاتتالدى.

ايتا كەتەيىك، بۇل جولعى بايقاۋدا استانا جانە الماتى قالاسىنىڭ جۋرناليستەرى ەرەكشە بەلسەندىلىك تانىتتى. وڭىردەگى جۋرناليستەردىڭ دە بايقاۋعا قاتىسۋعا نيەت بىلدىرگەن قىزىعۋشىلىعى ارتا تۇسۋدە. بايقاۋعا ماتەريالدار بارلىق وبلىستاردان كەلدى. جەڭىمپازداردىڭ ەسىمدەرى قۇرامىندا ەلىمىزگە بەلگىلى جۋرناليستەر، قوعام قايراتكەرلەرى بار بايقاۋ كوميسسياسىنىڭ قورىتىندى وتىرىسىندا انىقتالدى.

بايقاۋ قورىتىندىسى بويىنشا «ەلباسى باستامالارىن حالىققا تۇسىندىرۋگە قوسقان ۇلەسى ءۇشىن» اتالىمىن «رترك قازاقستان» اق ارنايى ءتىلشىسى دۋلات نۋركين يەلەندى. «پارتيا قىزمەتى تۋرالى ەڭ ۇزدىك ماتەريال ءۇشىن» اتالىمى قاراعاندى وبلىسىنداعى «ليتەر» گازەتىنىڭ ءتىلشىسى اينۇر بالاكەشوۆاعا بۇيىردى.  «ەرەكشە پىكىر» اتالىمىندا «استانا» تەلەارناسى اقپاراتتىق-ساراپتامالىق باعدارلامالار ديرەكتورى انار كارينتايەۆا ۇزدىك تەليەۆيزيالىق جۋرناليست اتاندى. «حالىق داۋىسى» اتالىمى  «حابار24» تەلەارناسىنىڭ ديرەكتورى ارمان سەيىتمامىتتىڭ قانجىعاسىنا بايلاندى.

«ءسوز شەبەرى» اتالىمىندا «ەگەمەن قازاقستان» گازەتى مادەنيەت جانە رۋحانيات ءبولىمىنىڭ مەڭگەرۋشىسى تالعات باتىرحان ۇزدىك جۋرناليست بولدى.

«ايماق ايناسى» اتالىمىن «كازاحستانسكايا پراۆدا» گازەتىنىڭ قوستاناي وبلىسىنداعى ءتىلشىسى  ەۆگەنيي ەرماكوۆ پەن «سەمەي تاڭى» گازەتىنىڭ باسشىسى رىيزا مولداشيەۆا ءوزارا ءبولىستى.  

«ەڭ ۇزدىك تالداۋ باعدارلاماسى» اتالىمى «حابار» تەلارناسى كەشكى جاڭالىقتار قىزمەتىنىڭ باس رەداكتورى، «نەگىزىندە» باعدارلاماسىنىڭ جۇرگىزۋشىسى رۋسلان وسپانعا تابىس ەتىلدى. 

«مەديا پروفي» اتالىمى بويىنشا  Baq.kz سايتىنىڭ رەداكتورى ەرجان جاۋباي دا ماراپاتتالدى.
 

شولۋشى: اسەم المۇحانبەت