رەسەي سيرياعا قازاقستاندىق جانە قىرعىزستان اسكەرىن جىبەرۋ تۋرالى كەلىسسوزدەردى جۇرگىزدى دەپ حابارلايدى قامشى اقپاراتتىق اگەنتتىگى ربك-عا سىلتەمە جاساپ. قازاقستان جانە قىرعىزستان بيلىگىمەن كەلىسسوزدەر تۋراسىندا رەسەيدىڭ مەملەكەتتىك دۋما كوميتەتىنىڭ باسشىسى ۆلاديمير شامانوۆ ايتتى. تۇركيا پرەزيدەنتىنىڭ وكىلى دە سيرياعا قازاقستان مەن قىرعىزستان اسكەرىن كىرگىزۋ مۇمكىن ەكەنىن حابارلادى.
بۇگىن تۇركيا پرەزيدەنتىنىڭ وكىلى يبراگيم كالىن رەسەي پرەزيدەنتىنىڭ ارنايى وكىلدەرىمەن كەزدەسۋ بارىسىندا Haberturk تەلەارناسىنا سيرياعا قازاق جانە قىرعىز اسكەرىن اپارۋ ءسوز بولعانىن ايتقان.
«مۇنىڭ بارلىعى ۇلكەن جۇمىستى قاجەت ەتەدى. كىم قاي جەردەن كىرەدى، قانشا اسكەر جانە ولاردى قايدا ورنالاستىرۋ دەگەن سەكىلدى. ياعني 300 نەمەسە 500 ادام كەرەك پە؟ ءقازىر يدليبتە ميلليوننان استام ادام تۇرادى. اسكەريلەر وسىنداي تۇرعىنعا قانشا اسكەر كەرەك ەكەنىن تالقىلاپ جاتىر. استانادا ماۋسىمدا وتەتىن كەزدەسۋ بارىسىندا وسى ماسەلەلەر ناقتى ويلاستىرىلادى دەپ ويلايمىن» دەدى كالىن.
شولۋشى: اسەم المۇحانبەت
