ۇلتتىق ەكونوميكا مينيسترلىگى بيزنەس تاراپىنان مەملەكەتتىك ورگاندارعا ۇسىنىلاتىن ءجونسىز جانە قوسارلانعان ەسەپتىلىكتى انىقتاۋ جانە قىسقارتۋ بويىنشا زاڭنامانى كەڭ اۋقىمدى تەكسەرۋدى جۇرگىزەدى دەپ حابارلايدى قامشى اقپاراتتىق اگەنتتىگى ق ر ۇلتتىق ەكونوميكا باسپا ءسوز قىزمەتىنە سىلتەمە جاساپ.
«بۇگىندە بيزنەس بەرەتىن ەسەپتىلىكتىڭ 1200-دەن اسا ءتۇرى انىقتالدى. سونىمەن قاتار سوناۋ 2000-جىلداردىڭ باسىندا ەنگىزىلگەن، ال مەملەكەتتىك ورگانداردىڭ وزىنە ولاردىڭ قاجەت ەكەندىگى تۇسىنىكسىز ءبىرقاتار ەسەپتىلىكتەردىڭ بار ەكەندىگى انىقتالدى. ناتيجەسىندە بۇلاردىڭ ءبارى بيزنەسكە اۋىرتپالىق بولىپ تابىلادى»، - دەدى ق ر ۇەم كاسىپكەرلىكتى دامىتۋ دەپارتامەنتى ديرەكتورىنىڭ ورىنباسارى اسلانبەك جاقىپوۆ كاسىپكەرلىك ماسەلەلەرى جونىندەگى ساراپشىلىق توپتىڭ وتىرىسىندا.
رەفورمالاندىرۋدىڭ قورىتىندىسى ولاردىڭ قولدانىلۋىن رەتكە كەلتىرۋ، بيزنەس بەرەتىن ەسەپتىلىكتىڭ قوسارلانۋىن بولدىرماۋ جانە سوعان سايكەس كاسىپكەرلەردىڭ شىعىندارىن قىسقارتۋ بولۋى ءتيىس.
ۇلتتىق ەكونوميكا مينيسترلىگى مەملەكەتتىك ورگاندارعا بەرىلەتىن ەسەپتىلىكتىڭ ءبىرىڭعاي جانە مەيلىنشە تولىق تىزبەسىن قۇرۋدى جوسپارلاپ وتىر. ەشبىر مەملەكەتتىك ورگاننىڭ كاسىپكەردەن وسى تىزبەدە قاراستىرىلماعان قانداي دا ءبىر اقپاراتتى نەمەسە ەسەپتىلىكتى سۇراتۋعا قۇقىعى جوق بولماق.
سودان كەيىن بەكىتىلگەن تىزبەگە ەسەپتىلىكتىڭ جاڭا ءتۇرىن كىرگىزۋ ماسەلەسى مىندەتتى تۇردە تەك ونىڭ دالەلدىلىگى جانە ماقساتتىلىعىن ايقىندايتىن رەتتەۋشىلىك اسەر ەتەتىن تالداۋ راسىمدەۋلەرىنەن وتكەننەن سوڭ عانا جۇزەگە اسىرىلادى.
سونداي-اق ۇەم وكىلى كاسىپكەرلەر ءۇشىن جۇرگىزىلىپ جاتقان جۇمىستاردىڭ اۋقىمدىلىعىن جانە وزەكتىلىگىن ەسكەرە وتىرىپ، كاسىپكەرلىك ارەكەتتىڭ بارلىق سالاسىن جان-جاقتى جانە كەڭىنەن قامتۋ ماقساتىندا بيزنەستى اتالعان ۇدەرىسكە تارتۋ قاجەتتىگىن اتاپ كورسەتتى. اسلانبەك جاقىپوۆتىڭ ايتۋىنشا، قازىرگى ۋاقىتتا كەز كەلگەن كاسىپكەر نەگىزسىز جانە ەسكىرگەن ەسەپتىلىكتىڭ قوسارلانۋىن بولدىرماۋ جانە ونى قىسقارتۋ بويىنشا ءوزىنىڭ دايەكتى ۇسىنىسىن ۇلتتىق ەكونوميكا مينيسترلىگىنىڭ D.Mukusheva@economy.kz. ەلەكتروندىق مەكەن-جايىنا بەرە الادى.
