جامبىل مەن جاروكوۆ كوشەلەرىنىڭ قيىلىسىنداعى جالپى اۋدانى 1 200 شارشى مەتر بولاتىن التى قاباتتى عيماراتتا ەكولوگيالىق وفيس اشىلدى.

كەڭسەدە تەك بالامالى ەنەرگيا كوزدەرى عانا جۇمىس ىستەيدى. بۇل كومپانيانىڭ - ديرەكتورى ماكسيم بارىشيەۆ.  «جاسىل» كەڭسەنىڭ ءتيىمدى جاعى سول – بۇرىنعى كەزدە كوممۋنالدىق تولەم ايىنا 350 مىڭ تەڭگە بولعان ەكەن،  ال جاسىل تەحنولوگيالاردىڭ ارقاسىندا كوممۋنالدىق تولەم كولەمى بار بولعانى ايىنا 70 مىڭ تەڭگەگە ءتۇسىپ وتىر. سەبەبى، عيمارات قاجەتتى ەنەرگيانىڭ 80 پايىزىن ءوزى وندىرەدى.

عيماراتتىڭ كولىك تۇراعىندا ەلەكتروكولىكتەرگە ارنالعان قۋاتتاعىش قۇرىلعىلار بار. ۇستەلدەگى نوۋتبۋكتەر دە ەنەرگيانى از تۇتىنادى.

«جاسىل» كەڭسەنىڭ جاسالۋ جۇيەسىنە نازار اۋدارساق:  عيماراتتىڭ توبەسىنە 20 كۇن پانەلى قويىلعان. ءارقايسىسىنىڭ قۋاتتىلىعى 300 ۆت. سونىمەن قاتار، عيماراتتا سۋدى قايتا اينالدىرۋ جۇيەسى بار. سۋ ارنايى رەزەرۆۋارعا جينالىپ، تازالانىپ، قايتا پايدالانىلادى.

قۇرىلىسقا جالپى قۇنى 280 ميلليون تەڭگە كەتكەن. عيمارات شىعىنى 7 جىلدا ءوزىن ءوزى اقتايدى دەپ كۇتىلۋدە.

بۇل جاڭالىقتىڭ ەڭ ەرەكشە تۇسىنا توقتالساق، بۇل جوبانىڭ ارحيتەكتورلارى – قازاقستاندىق ماماندار. ياعني، جەتكەن جەتىستىكتەرىمىزدىڭ ءدال وسى ۇلگىسى قازاقستانداعى عىلىم مەن ءبىلىمنىڭ «اقىرىن ءجۇرىپ، انىق باسىپ» دامىپ جاتقاندىعىنان حابار بەرەدى.

                                                                                                                                                                  شولۋشى ورازحان اقتولقىن