22 ماۋسىمدا «اتامەكەن» ۇلتتىق كاسىپكەرلەر پالاتاسىندا قۇرىلىس، قۇرىلىس ماتەريالدارىنىڭ ءوندىرىسى جانە تكش كوميتەتىنىڭ وتىرىسى ءوتتى. جيىنعا ق ر ينۆەستيسيالار جانە دامۋ ۆيسە-مينيسترى رومان سكليار، ق ر يدم قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ، سونداي-اق نەگىزگى قۇرىلىمدىق بولىمشەلەردىڭ باسشىلارى مەن قۇرىلىس سالاسى قاۋىمداستىعىنىڭ وكىلدەرى قاتىستى.
كوميتەت ءتوراعاسى الەكساندر بەلوۆيچ قازىرگى تاڭدا «اتامەكەن» اتقارىپ جاتقان نەگىزگى جۇمىس باعىتتارىن اتاپ ءوتتى.
«نەگىزگى باعىتتىڭ قاتارىندا قالا قۇرىلىسى تۇجىرىمداماسى جوباسىن ازىرلەۋدىڭ ماقساتتىلىعى، مەملەكەتتىك ساۋلەت-قۇرىلىس باقىلاۋ تاراپىنان جۇرگىزىلەتىن باقىلاۋ-قاداعالاۋ شارالارىن ازايتۋ، قۇرىلىستاعى مەملەكەتتىك ساتىپ الۋلار بويىنشا دەمپينگكە قارسى شارالار، قۇرىلىسقا بەرىلەتىن جەر ۋچاسكەلەرىنە قۇقىق بەرۋ پروسەدۋراسىن جەتىلدىرۋ ماسەلەلەرى بار»، – دەپ سارالادى كوميتەت ءتوراعاسى الەكساندر بەلوۆيچ.
ۇلتتىق پالاتا باسقارماسى «اتامەكەن» ۇكپ ءتورالقا ءتوراعاسىنىڭ تاپسىرماسىن ورىنداي وتىرىپ، وسى جىلدىڭ 6 ماۋسىمىندا باسقارما ءتوراعاسى ابىلاي مىرزاحمەتوۆ، ينۆەستيسيالار جانە دامۋ ءمينيسترى جەڭىس قاسىمبەك، سونداي-اق قارجى مينيسترلىگى مەن ۇلتتىق ەكونوميكا مينيسترلىگى وكىلدەرىنىڭ قاتىسۋىمەن سالالاردىڭ وزەكتى ماسەلەلەرىن شەشۋگە ارنالعان كەزدەسۋ وتكىزدى.
جۇمىس بابى بويىنشا وتكەن كەزدەسۋدىڭ قورىتىندىسىندا ەكونوميكانىڭ نەگىزگى سالالارىنا ارنالعان 9 جۇمىس توبىن قۇرۋعا شەشىم شىعارىلدى. العاش بولىپ قۇرىلىس، قالا قۇرىلىسى جانە ساۋلەت سالاسىن دامىتۋ ماسەلەلەرى بويىنشا جۇمىس توبى قۇرىلدى. وسى جيىندا «اتامەكەن» ق ر ۇكپ باسقارما ءتوراعاسىنىڭ ورىنباسارى ەلدوس رامازانوۆ مەن ق ر ينۆەستيسيالار جانە دامۋ ۆيسە-مينيسترى رومان سكليار جۇمىس كەستەسىن بەكىتتى.
رومان سكليار مەملەكەتتىك ورگانداردىڭ ينۆەستيسيالار جانە دامۋ مينيسترلىگى مەن ۇلتتىق پالاتانىڭ كەزدەسۋلەرىندە قارالعان نەگىزگى ماسەلەلەرگە قاتىستى اتقارعان جۇمىسى تۋرالى حابارلادى. قالا قۇرىلىسى كودەكسىنىڭ ازىرلەمەسىنە قاتىستى پىكىر ءبىلدىردى.
«ءبىز ۇسىنىستى قولدادىق. قالىپتاسقان پروسەدۋرالاردىڭ بارلىعىنان ءوتۋى قاجەت، اتاپ ايتقاندا كودەكستىڭ تۇجىرىمداماسىن دايىنداۋ كەرەك. كاسىبي قوعامداستىق كەزەڭ-كەزەڭىمەن تالقىلاۋدان وتكىزەدى»، – دەدى ۆيسە-مينيستر.
ءوز كەزەگىندە قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ ۇلتتىق پالاتانىڭ ۇسىنىسىنا قولداۋ ءبىلدىرىپ، بىرلەسىپ ازىرلەۋگە دايىن ەكەنىن جەتكىزدى.
كوميتەت مۇشەلەرى جەكەلەگەن ماسەلەلەرگە قاتىستى ويلارىن ورتاعا سالدى. جوبالاۋشىلار قاۋىمداستىعىنىڭ ۆيسە-پرەزيدەنتى سەرىك رۋستامبەكوۆ ىزدەۋ قىزمەتى بويىنشا ليسەنزيا ساناتىنىڭ جوقتىعىنا قاتىستى پىكىر ءبىلدىرىپ، تاپسىرىس بەرۋشىلەردىڭ جوبالاۋعا تەحنيكالىق تاپسىرىستى ساپاسىز دايىنداۋىنا قاتىستى ەسكەرتۋىن ايتتى.
«قاۋىمداستىق جوبالاۋعا قۇرىلىس نورمالارى مەن ەرەجەلەرىندە بەكىتكەن ۇلگىلىك تەحنيكالىق تاپسىرمالاردى ازىرلەۋگە دايىن»، – دەپ ۇسىنىس ءبىلدىردى سەرىك رۋستامبەكوۆ.
قازاقستان قۇرىلىسشىلارى وداعىنىڭ ءتوراعاسى تالعات ەرعالييەۆ مەملەكەتتىك ساۋلەت-قۇرىلىس باقىلاۋى ورگاندارىنىڭ تەكسەرۋىنە قاتىستى ماسەلە كوتەردى. وكىلدىڭ ايتۋىنشا، بۇل تەكسەرۋلەردى رەتتەۋ كەرەك، اسىرەسە استانادا مەملەكەتتىك ساۋلەت-قۇرىلىس باقىلاۋى ورگانى جەرگىلىكتى اتقارۋشى ورگاننىڭ قولىنداعى تەتىك دەگەن جەلەۋمەن وزدەرىنە تيەسىلى ەمەس قىزمەتتى اتقارادى.
سونىمەن قاتار، باسقوسۋدا كوميتەت ءتوراعاسى الەكساندر بەلوۆيچ سىرتقى ينجەنەرلىك جەلىلەرگە قوسىلعان كەزدە مونوپوليستەر ماتەريال مەن جابدىققا قويىلاتىن تالاپتى سۇرايدى، ولاردىڭ تەحنيكالىق سيپاتتاماسى قىمباتتاۋى مەن جەتكىزۋ مەرزىمىنىڭ ۇزارۋىنا سوقتىرادى.
باسقارما ءتوراعاسىنىڭ ورىنباسارى ەلدوس رامازانوۆ جيىندى قورىتىندىلاي كەلە، ۋاكىلەتتى ورگانمەن تىنىس جۇمىس ىستەۋ ارقىلى قۇرىلىس سالاسىنداعى ماسەلەلەردىڭ ناقتى شەشىمىن قابىلداۋ جوسپارلانىپ وتىرعانىن اتاپ ءوتتى.
«ۇلتتىق پالاتا بۇگىندە بەكىتىلگەن كەستەنى جاڭا ۇسىنىستارمەن تولىقتىرۋعا دايىن. ماسەلەنى جەدەل شەشۋ ءۇشىن جۇمىس توبىنا قاۋىمداستىق باسشىلارىنىڭ تىكەلەي قاتىسۋىن سۇرايمىن»، – دەپ تۇجىرىمدادى باسقارما ءتوراعاسىنىڭ ورىنباسارى.
