الماتى قالاسىندا وتەتىن VI يننوۆاسيالىق فورۋم سپيكەرىنىڭ ءبىرى -  روبوت. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسيادا «SUCCESS K» ستراتەگيالىق كوممۋنيكاسيالار اگەنتتىگىنىڭ باس ديرەكتورى ءلاززات كوككوزوۆا مالىمدەدى دەپ حابارلايدى قامشى اقپاراتتىق اگەنتتىگى.

ءلاززات كوككوزوۆانىڭ سوزىنشە فورۋم 30 ماۋسىم كۇنى الماتى قالاسى اتاكەنت-ەكسپو كورمە ورتالىعىندا وتەدى. «فورۋمنىڭ نەگىزگى تاقىرىپتارى يندۋستريا 4.0 تۇجىرىمداماسى، ساندىق ەكونوميكا، يننوۆاسيالىق ەكوجۇيەلەردى قۇرۋ جانە «الماتى – ءومىر ءسۇرۋ جانە بيزنەسكە قولايلى قالا» اتتى وتكەن جىلى بەكىتىلگەن قالانى دامىتۋ ستراتەگيالىق تاقىرىبى اياسىندا Smart City تەحنولوگيالارىن ەنگىزۋ بولادى. جيىن بارىسىندا قالانىڭ وزەكتى ماسەلەلەرىن شەشۋ ءۇشىن يننوۆاسيالىق تەحنولوگيالاردىڭ قولدانىسىن جەتەكشى حالىقارالىق ساراپشىلارمەن بىرگە تالقىلاۋ جوسپارلانۋدا»، - دەدى ول. 

فورۋم وتاندىق جانە شەتەلدىك جوبالار مەن بولاشاققا ارنالعان يننوۆاسيالىق يدەيالاردىڭ كورسەتىلىمى وتەتىن ستارت-اپ جوبالار كورمەسىمەن اشىلادى. «اتالعان ءىس-شارا بارىسىندا مالىمدەلگەن تاقىرىپتار بويىنشا پرەزەنتاسيالار مەن تالقىلاۋلار وتەدى، كلاستەرلەر مەن تەحنوپاركتەردى جەتىلدىرۋ مەن جانداندىرۋ بويىنشا كەيستەر، ساندىق تەلەكوممۋنيكاسيالارمەن اقىلدى قالا ارقىلى جۇزەگە اساتىن ەكونوميكاداعى جاڭا ستراتەگيالار مەن تابىستى تاجىريبەلەر قاراستىرىلادى»، - دەدى سپيكەر.

«SUCCESS K» ستراتەگيالىق كوممۋنيكاسيالار اگەنتتىگىنىڭ باس ديرەكتورى ءلاززات كوككوزوۆانىڭ مالىمەتىنشە فورۋم سپيكەرلەرىنىڭ ءبىرى روبوت بولماق. الايدا، ۇيىمداستىرۋشىلار ەرەكشە وراتوردىڭ قاي تاقىرىپتى قاۋزايتىنىن اشىپ ايتپادى.  

فورۋم جۇمىسىن الماتى ق. اكىمى باۋىرجان بايبەك اشادى دەپ كۇتىلۋدە. سونداي-اق، وعان ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى، «قازپوشتا» اق بۇرىنعى باسقارما ءتوراعاسى باعدات مۋسين، «Global Visions-Silicon Valley» كومپانياسىنىڭ قۇرۋشىسى جانە باس اتقارۋشى ديرەكتورى جانە «CIO ORACLE» بۇرىنعى اعا ۆيسە-پرەزيدەنتى مارك يۆانوۆسكي، «Future Laboratory» باسقارما ءتوراعاسى، گرۋزيانىڭ يننوۆاسيا مەن تەحنولوگيالار بويىنشا اگەنتتىگىنىڭ بۇرىنعى ءتوراعاسى  يراكليي كاشيبادزە قاتىسپاق.

ونىمەن قوسا، فورۋمعا انگليا، يزرايل، اقش، دانيادان كەلەتىن حالىقارالىق ساراپشىلار، قازاقستان رەسپۋبليكاسى مەملەكەتتىك ورگاندارىنىڭ باسشىلارى، بيزنەس-قوعامداستىقتىڭ وكىلەتتەرى، ۇەۇ مەن حالىقارالىق ۇيىمدار، ستارتاپشىلار جالپى 500-دەن استام ادام قاتىسادى.