ورتالىق كوممۋنيكاسيالار قىزمەتىندە «نازاربايەۆ ۋنيۆەرسيتەتى» دبۇ يننوۆاسيالار جانە عىلىم جونىندەگى ۆيسە-پرەزيدەنتى قانات ءابدۋالي ۇلى ءبايعاريننىڭ قاتىسۋىمەن باسپا ءسوز ءماسليحاتى ءوتتى دەپ حابارلايدى قامشى اقپاراتتىق اگەنتتىگى.

سپيكەردىڭ سوزىنشە ۋنيۆەرسيتەت ءوزىنىڭ عىلىمي جانە يننوۆاسيالىق الەۋەتىن دامىتۋ جۇمىستارىن جۇزەگە اسىرۋدا. «نازاربايەۆ ۋنيۆەرسيتەتى بازاسىندا Astana Business Campus يننوۆاسيالىق كلاستەرى قۇرىلدى، ول «ۇلت جوسپارى – 100 ناقتى قادام»  باعدارلاماسىنىڭ 63ء-شى قادامىنا سايكەس  ەلىمىزدىڭ عىلىمدى قاجەتسىنەتىن  ەكونوميكاسىن قالىپتاستىرۋعا نەگىز بولادى» دەدى قانات بايعارين. 

«نازاربايەۆ ۋنيۆەرسيتەتى» دبۇ يننوۆاسيالار جانە عىلىم جونىندەگى ۆيسە-پرەزيدەنتى قانات ءابدۋالي ۇلى يننوۆاسيالىق كلاستەردىڭ ماقساتىنا توقتالىپ ءوتتى. «ول وزىق تەحنولوگيالار مەن جوبالاردى ترانسفەرتتەۋ جانە كوممەرسيالاندىرۋ ءۇشىن عىلىمي-زەرتتەۋ جانە يننوۆاسيالىق قىزمەت سۋبەكتىلەرىن بىرىكتىرۋ، سونداي-اق قازاقستاندا يننوۆاسيالىق كاسىپكەرلىكتى دامىتۋ ءۇشىن الاڭدار قۇرۋ بولىپ تابىلادى» دەدى سپيكەر.

قانات ءبايعاريننىڭ مالىمەتىنشە بۇگىنگى تاڭدا Astana Business Campus يننوۆاسيالىق كلاستەرىنىڭ بازاسىندا كوممەرسيالاندىرۋ ءوفيسىن، تەحنوپاركتى جانە بيزنەس ينكۋباتوردى قامتيتىن جوبالاردى كوممەرسيالاندىرۋ جۇيەسى قۇرىلدى. «وسى جۇيە  يننوۆاسيالىق جوبالاردى ىسكە اسىرۋعا جانە نارىققا شىعۋ جولىن قامتاماسىز ەتۋگە مۇمكىندىك بەرەدى»، - دەپ اتاپ ءوتتى «نازاربايەۆ ۋنيۆەرسيتەتى» دبۇ يننوۆاسيالار جانە عىلىم جونىندەگى ۆيسە-پرەزيدەنتى قانات بايعارين.

 «نازاربايەۆ ۋنيۆەرسيتى» دبۇ يننوۆاسيالاردى دامىتۋ دەپارتامەنتىنىڭ اعا مەنەدجەرى دامەل مەكتەپبايەۆا Astana Business Campus عىلىم پاركى قۇرامداس ەلەمەنتتەرىنىڭ ءبىرى بولىپ تابىلاتىن بيومەديسينالىق كلاستەر تۋرالى ايتىپ بەردى. «بيومەديسينالىق كلاستەر زياتكەرلىك، قارجىلىق جانە ماتەريالدىق-تەحنيكالىق رەسۋرستاردى ءتيىمدى پايدالانۋ ەسەبىنەن بيومەديسينالىق زەرتتەۋلەردى  كوممەرسيالاندىرۋ مەن جوعارى تەحنولوگيالى بيزنەستى دامىتۋ ءۇشىن قولايلى جاعدايلار جاساۋعا باعىتتالعان  يننوۆاسيالىق ەكوجۇيە بولىپ تابىلادى» دەدى سپيكەر.