وبلىس اكىمىنىڭ ورىنباسارى سەرىك قوجانيازوۆ مەملەكەت باسشىسىنىڭ تاسقىن سۋدى جيناۋ جانە سۋارىلاتىن جەرلەردىڭ كولەمىن ارتتىرۋ بويىنشا تاپسىرمالارىن جۇزەگە اسىرۋ بارىسى تۋرالى باياندادى.
قىزىلوردا وبلىسىندا ەگىن شارۋاشىلىعى سۋارمالى جەرلەردە عانا جۇرگىزىلەدى، ونىڭ جالپى اۋدانى شامامەن 240 مىڭ گا قۇرايدى، ونىڭ ىشىندە اۋىسپالى ەگىسكە اعىمداعى جىلى 180 مىڭ گا تارتىلدى، بۇل وتكەن جىلعا قاراعاندا 10 مىڭ گا-عا ارتىق. سۋارمالى ەگىن شارۋاشىلىعى القابىن كەڭەيتۋ گيدروتەحنيكالىق قۇرىلىس، ونىڭ ىشىندە قىزىلوردا سۋ تورابى ارقىلى جۇزەگە اسىرىلادى.
قىزىلوردا سۋ تورابىنىڭ جوبالىق قۋاتى – قىزىلوردا قالاسى جانە وبلىستىڭ سىرداريا، جالاعاش جانە قارماقشى اۋداندارى اۋماعىندا ورنالاسقان اۋىل شارۋاشىلىعىنا ارنالعان 110 مىڭ گا جەردى جانە 250 مىڭ گا شابىندىق جەرلەر مەن جايىلىمداردى سۋاراتىن سۋمەن قامتۋ.
