ۇمىتكەرلەردىڭ قۇراما شتاتتارمەن ىسكەرلىك بايلانىستا نەمەسە وتباسىلىق تىعىز قارىم-قاتىناستا بولعان جاعدايدا عانا امەريكالىق ۆيزاعا قول جەتكىزە الادى، دەپ جازادى قامشى اقپاراتتىق اگەنتتىگى.
اقش بيلىگى 6 مۇسىلمان ەلدەرىنىڭ ازاماتتارى مەن بارلىق بوسقىندارعا ۆيزا بەرۋ ءۇشىن جاڭا ەرەجەلەردى بەكىتتى. بۇل تۋرالى Associated Press اگەنتتىگى اقش-تىڭ مەملەكەتتىك دەپارتامەنت مەموراندۋمىنا سىلتەمە جاساي وتىرىپ حابارلايدى.
جاڭا تالاپتار اقش-تىڭ شەتەلدەگى ديپلوماتيالىق وكىلدەرىنە جىبەرىلدى. قۇجاتقا سايكەس، ۆيزا تەك اقش-پەن ىسكەرلىك نەمە وتباسىلىق بايلانىسى بار ۇمىتكەرلەرگە عانا بەرىلەدى.
بەلگىلەنگەن ازاماتتار قۇراما شتاتتارىندا اتا-اناسى، كۇيەۋى ، ايەلى، باۋىرلارى تۇراتىنىن راستاۋ كەرەك. ال تەك الىس تۋىستارى عانا بولسا، تالاپقا ساي كەلمەيتىنى ەسكەرتىلدى.
