2017 جىلعى 29 ماۋسىمدا قازاقستان رەسپۋبليكاسى ورتالىق سايلاۋ كوميسسياسى وتىرىس بارىسىندا 2017 جىلعى 28 ماۋسىمعا بولعان ق ر پارلامەنتى سەناتىنىڭ دەپۋتاتتارىن سايلاۋ قورىتىندىلارىن انىقتادى دەپ حابارلايدى قامشى اقپاراتتىق اگەنتتىگى.

سايلاۋ قازاقستان رەسپۋبليكاسى پرەزيدەنتىنىڭ 2017 جىلعى 28 ساۋىردەگى جارلىعىنا، ق ر كونستيتۋسياسىنا جانە «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭىنا سايكەس جۇرگىزىلدى.

ءار وبلىستان، استانا جانە الماتى قالالارىنان ءبىر دەپۋتاتتان بارلىعى 16 دەپۋتات سايلاندى.

قازاقستان رەسپۋبليكاسى ورتالىق سايلاۋ كوميسسياسى وبلىستىق، استانا جانە الماتى قالالىق سايلاۋ كوميسسيالارىنىڭ سايلاۋ بويىنشا داۋىستاردى ساناۋدىڭ قورىتىندى حاتتامالارى نەگىزىندە قازاقستان رەسپۋبليكاسىنىڭ 14 وبلىسىندا، استانا جانە الماتى قالالارىندا ق ر پارلامەنتى سەناتىنىڭ دەپۋتاتتارىن سايلاۋ ءوتتى دەپ حابارلايدى.

سايلاۋ ناۋقانى بارىسىندا بارلىعى 89 ۇمىتكەر ۇسىنىلدى. 38 كانديدات سايلاۋ بيۋللەتەندەرىنە ەنگىزىلدى.  سايلاۋعا 3242 تاڭداۋشى قاتىستى.

ق ر پارلامەنتى سەناتىنىڭ دەپۋتاتتارىن سايلاۋ بارىسىندا 518 حالىقارالىق جانە وتاندىق بايقاۋشى، 244 قازاقستاندىق جانە شەتەلدىك ب ا ق وكىلى قاتىستى.

سايلانعان دەپۋتتاردىڭ 7-ن  ءماسليحاتتار ۇسىنسا، 9 ءوزىن-وزى ۇسىنعاندار. ق ر پارلامەنتى سەناتىنىڭ دەپۋتاتتىعىنا كانديداتتاردىڭ ورتاشا جاسى –56،7 جاس.

قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ قورىتىندىسى بويىنشا سايلانعاندار (www.election.gov.kz سايتىنداعى جەكە پاراقشاعا سىلتەمە):

اقمولا وبلىسىنان - ادىلبەكوۆ داۋرەن زەكەن ۇلى؛

اقتوبە وبلىسىنان - جۇماعازييەۆ مۇحتار سابىر ۇلى؛

الماتى وبلىسىنان - قىلىشبايەۆ نۇرلان ناۋرىز ۇلى؛ 

اتىراۋ وبلىسىنان - دۇيسەمبايەۆ عۇمار يسليام ۇلى؛

باتىس قازاقستان وبلىسىنان - تورەعالييەۆ ناريمان؛

جامبىل وبلىسىنان - نۇرالييەۆ ءابدالى توقبەرگەن ۇلى؛

قاراعاندى وبلىسىنان - ابدىكەروۆ رىسقالي؛

قوستاناي وبلىسىنان - نۇرعالييەۆ جەڭىس ميراس ۇلى؛

قىزىلوردا وبلىسىنان - باقتيار ۇلى مۇرات؛

ماڭعىستاۋ وبلىسىنان - شەلپەكوۆ باقتىباي اقبەردى ۇلى؛

وڭتۇستىك قازاقستان وبلىسىنان - قۇرتايەۆ ءالىمجان سەيىتجان ۇلى؛

پاۆلودار وبلىسىنان - نۇرسيپاتوۆ نۇرجان نۇرلانبەك ۇلى؛

سولتۇستىك قازاقستان وبلىسىنان - سۇلتانوۆ ەرىك حامزا ۇلى؛

شىعىس قازاقستان وبلىسىنان - مۋسين دۇيسەنعازى ماعاۋيا ۇلى؛

استانا قالاسىنان - مامىتبەكوۆ ەدىل قۇلامقادىر ۇلى؛

الماتى قالاسىنان - نۇكەتايەۆا دينار ءجۇسىپالى قىزى.

سايلاۋ كوميسسيالارى قاجەتتى ۇيىمداستىرۋشىلىق ءىس-شارالاردى  سايلاۋ زاڭناماسىندا بەلگىلەنگەن بارلىق راسىمدەردى ساقتاي وتىرىپ،  جۇرگىزدى.

شولۋشى: اسەم المۇحانبەت