گرەكيا قالالارىنىڭ كوشەلەرى قوقىس الاڭىنا اينالىپ بارادى. بۇل تۋرالى قامشى اقپاراتتىق اگەنتتىگى شەتەلدىك باق-قا سىلتەمە جاساپ حابارلايدى.
وعان كوممۋنالدىق قىزمەت وكىلدەرىنىڭ 10 كۇننەن استام ۋاقىتقا سوزىلعان ەرەۋىلى سەبەپ بولعان.
نارازىلىق شەرۋىنە شىققاندار قاتاڭ ۇنەمدەۋ شاراسىن قولعا العان بيلىكتىڭ مەملەكەتتىك شىعىنداردى قىسقارتۋىنا قارسىلىق ءبىلدىرىپ جاتىر. ءقازىر قولقانى قاپقان جاعىمسىز يىستەن تۇرعىندار تۇرماق، شەتەلدىك تۋريستەر دە جاپا شەگىپ وتىر.
ونىڭ ۇستىنە اپتاپ ىستىق جاعدايدى ودان دا بەتەر ۋشىقتىرا ءتۇستى. ال سينوپتيكتەردىڭ بولجامىنا سەنسەك، الداعى كۇندەرى سىناپ باعاناسى 40 گرادۋسقا دەيىن كوتەرىلۋى مۇمكىن.
شولۋشى: ايگەرىم تاۋباي
