"استانا ارەنا" ستاديونىندا ءوزىنىڭ تابيعي دارىنىمەن ميلليونداردى مويىنداتقان تالانتتى ءانشى ديماش قۇدايبەرگەننىڭ "باستاۋ" اتتى جەكە شىعارماشىلىق ءان كەشى ءوتتى. 4 ساعاتتان استام ۋاقىت وتكەن كەش تۋرالى جۇرتشىلىقتىڭ پىكىرى وڭ. كوپتەگەن كورەرمەن اسىعا كۇتكەن "باستاۋ" نەسىمەن ەرەكشەلەندى؟ وتىز مىڭ جانكۇيەردىڭ باسىن قوسقان كونسەرتتىڭ 5 ەرەكشەلىگىن ايتىپ كورەلىك.، دەپ جازادى قامشى اقپاراتتىق اگەنتتىگى Massaget.kz سايتىنا سىلتەمە جاساپ.

1. قازاقستاندا "استانا ارەنانى" العاش تولتىرعان ديماش بولدى. ول بۇل كەشكە 30 مىڭنان اسا ادام جينادى، ولاردىڭ 60%-ى قازاقستاندىقتار بولسا، 40%-ى شەتەلدىكتەر. 

2. ساف ونەر ءاردايىم ونەر يەسىنەن ادالدىقتى تالاپ ەتەدى. ونىڭ دالەلى – جاندى داۋىس. بۇل كونسەرتتە ديماش 100% پايىز جاندى داۋىستا ءان شىرقادى. 

3. ەلىمىزدە تۇڭعىش رەت فانكلۋبتار بىرلەستىگى كورىندى، كورىنىپ قانا قويماي ىسپەن دالەلدەندى. اتاپ ايتساق، "Dimash&Dostar"، "DimashdearsEurasianFanclub"، ت.ب. بىرلەستىكتەر بوي كورسەتتى. 

4. كەشكە تەك وتاندىق جانكۇيەرلەر ەمەس، سونىمەن قاتار الىس-جاقىن شەتەلدەردەن بىرنەشە جانكۇيەر كەلدى. اتاپ ايتساق، جۇڭگو، رەسەي، فرانسيا، كانادا، جاپونيا، يندونەزيا، ءتىپتى مۇحيتتىڭ ار جاعىنان (اقش) دا جانكۇيەرلەر كەلىپ قاتىستى. 

5. ۇزدىك ساحنا، ۇتقىر رەجيسسەرلىك شەشىم، كاسىبي بي توپتارى قاتىسقان كەشتە ديماش ءان ايتىپ قانا قويماي، بيشىلىك ونەرىمەن دە جانكۇيەرلەردىڭ نازارىن اۋداردى.