1 شىلدە كۇنى ساعات 09.45-تە ەلباسىنىڭ كىتاپحاناسىندا «اشىق ەسىك كۇندەرى» مەرەكەلىك ونكۇندىگى سالتاناتتى تۇردە اشىلادى. شارا ەلوردامىزدىڭ تۋعان كۇنىنە وراي ۇيىمداستىرىلعان.

ونكۇندىكتىڭ اشىلۋ سالتاناتىنا وليمپيادا چەمپيونى، ق ر پارلامەنتى ءماجىلىسىنىڭ دەپۋتاتى سەرىك ساپييەۆ، ق ر ەڭبەك سىڭىرگەن ءارتىسى، ايگىلى وپەرا ءانشiسi مايرا مۇحامەد قىزى، قازاقستاننىڭ تۇڭعىش پرەزيدەنتى قورىنىڭ لاۋرەاتى،  اتاقتى بالەت ءارتىسى دوسجان تابىلدى جانە مەملەكەتتىك ورگانداردىڭ وكىلدەرى، مادەنيەت پەن سپورت قايراتكەرلەرى، ەلوردامىزدىڭ تۇرعىندارى مەن مەيماندارى قاتىسادى.       

ونكۇندىكتىڭ اشىلۋ باعدارلاماسىندا استانا كۇنىنە وراي ۇيىمداستىرىلعان كورمە مەن ەكسپوزيسيالار بويىنشا ەكسكۋرسيالار، «قازاق كونسەرتى» وركەسترى مەن ءتۇرلى بايقاۋلاردىڭ جەڭىمپازى اتانعان انشىلەر مەن بيشىلەردىڭ ورىنداۋىنداعى مۋزىكالىق باعدارلاما، زياتكەرلىك ويىندار مەن ۆيكتورينالار جوسپارلانعان.  

ونكۇندىك بارىسىندا بۇقارالىق، مادەني-تانىمدىق شارالار جوسپارلانعان. كىتاپحاناعا كەلۋشىلەر ءۇشىن «ەلباسى جانە استانا» تاقىرىبىندا بىرەگەي ءارى كەشەندى كورمە ۇيىمداستىرىلعان. وندا كوپشىلىكتىڭ نازارىنا 60 باسىلىم، 47 ارحيۆ ماتەريالدارى، مۋزەي جيناعىنان 30 جادىگەر ۇسىنىلادى. كورمە نەگىزگى 3 بولىمنەن تۇرادى: «استانانىڭ قالىپتاسۋى»، «استانانىڭ قايتالانباس بەينەسى» جانە «استانا – الەمدىك ءۇنقاتىسۋ الاڭى».  بارلىق ماتەريالدار باس قالانىڭ قالىپتاسۋ كەزەڭدەرىن جانە ونى دامىتۋدا ەلباسىنىڭ ولشەۋسىز ەڭبەگىن پاش ەتەدى.   

وزىندىك كوزقاراسى بار اۋەسقوي فوتوسۋرەتشىلەر انىقتالماق. «ماڭگىلىك ەل» سالتانات قاقپاسى قازاقستاندىقتاردىڭ كوزىمەن» تاقىرىبىنداعى فوتوبايقاۋدىڭ جەڭىمپازدارى ماراپاتتالادى. ونىڭ بارىسىندا ەلىمىزدىڭ تۇرعىندارى جولداعان ەڭ ۇزدىك جۇمىستار پاش ەتىلەدى.

ونكۇندىك اياسىندا ءبىلىمىن سىناۋعا نيەت بىلدىرگەندەر ءۇشىن «iDos» گيد-روبوتى زياتكەرلىك ۆيكتورينا وتكىزىپ، ءمىنسىز جاۋاپ بەرگەندەرگە سەرتيفيكات تابىستايدى.

ەڭسەلى ەلوردانىڭ اياققا نىق تۇرۋى مەن دامۋى 3 شىلدە كۇنى «استانا – قازاقستاننىڭ ستراتەگيالىق ۆەكتورى» دوڭگەلەك ۇستەلىنە ارقاۋ بولماق. ماڭىزدى باسقوسۋدا وزدەرىنىڭ دەرەكتەرى مەن دايەكتەرىن حالىق قالاۋلىلارى، ساراپشىلار مەن عالىمدار ورتاعا سالادى.

قازاقستاندىق جاس دارىندار وزدەرىنىڭ ونەرلەرىن «جۇلدىزدى قالا – استانا» بالالار مەرەكەسىندە 4 شىلدە كۇنى ساعات 10.00-دە پاش ەتەدى.

3 جانە 5 شىلدە كۇندەرى كىتاپحانا قابىرعاسىندا كينو كۇندەرى وتەدى.  ونىڭ بارىسىندا «ەلباسى جولى»  كينوەپوپەياسىنىڭ فيلمدەرى كورسەتىلەدى.  

ونكۇندىك شىلدەنىڭ 1-نەن 10-نا دەيىن جالعاسادى. ونىڭ اياسىندا تاقىرىپتىق جانە شولۋ ەكسكۋرسيالارى وتكىزىلەدى.