«الفا-بانك» اق قىزمەتكەرى ماكسيم بەسكيشكين جانە ونىڭ سىبايلاسى دەگەن كۇدىككە ىلىنگەن يۆان جۋكوۆ قاماۋعا الىندى، - دەپ حابارلايدى قامشى اقپاراتتىق اگەنتتىگى Tengrinews.kz-كە سىلتەمە جاساي وتىرىپ.

الماتىنىڭ بوستاندىق اۋدانى پروكۋراتۋراسىنىڭ مالىمەتى بويىنشا، سوت ءىستىڭ ەكى فيگۋرانتىنا قاتىستى ەكى اي قاماۋدا ۇستاۋ تۇرىندەگى بۇلتارتپاۋ شاراسىن تاڭدادى.  ماكسيم بەسكيشكين جانە يۆان جۋكوۆ «اراي» تۇرعىن ءۇي كەشەنىندە ورنالاسقان «الفا-بانك» بولىمشەسىنە شابۋىل جاساعان دەگەن كۇدىككە ءىلىنىپ وتىر. 27 ماۋسىمدا ساعات 17:39-دا ىىد-گە ايمانوۆ كوشەسىندەگى «الفا-بانك» بولىمشەسىنە قاراقشىلىق شابۋىل جاسالىپ، 65 ميلليون تەڭگە تونالعانى تۋرالى حابارلاما تۇسكەن. ساعات 16:40-تا بەلگىسىز تۇلعا جەر تولە ارقىلى «الفا-بانك» عيماراتىنا كىرىپ، بانكتىڭ 65 ميلليون تەڭگەسىن الىپ كەتكەنى انىقتالدى.

كەيىن قوڭىراۋلاردى تىڭداۋ ارقىلى كۇدىكتىلەر انىقتالىپ، 30 ماۋسىمدا ۇستالدى. پوليسيا كۇدىكتىلەردەن ۇرلانعان 65 ميلليون تەڭگەنى تاۋىپ، ايعاق رەتىندە ىسكە قوستى.  ال «الفا-بانك» وكىلدەرى قالىپتى تارتىپتە جۇمىس ىستەپ جاتقانىن جانە توناۋدىڭ بانك قىزمەتىنە ەش اسەر تەپەگەنىن ايتادى. 

شولۋشى: اسەل بولات قىزى