الماتىدا قوعامدىق كولىكتەردەگى قولما-قول تولەنەتىن جول اقىسى 150 تەڭگەگە وسەدى، دەپ جازادى Qamshy.kz اقپارات اگەنتتىگى.

ەلەكتروندى «وڭاي» كارتاسىمەن تولەنەتىن جول اقىسىنىڭ قۇنى 80 تەڭگە بولىپ قالادى. مۇنداي سارالانعان تاريف تۋراسىندا شەشىم 29 ماۋسىم كۇنى الماتى ءماسليحاتى دەپۋتاتتارىنىڭ ورتاق كەلىسىمىمەن شىقتى. اتالمىش ءادىس ارقىلى اكىمدىك الماتىلىقتاردىڭ  «وڭاي» كارتاسىن تۇگەلدەي پايدالانۋىن قاماتاماسىز ەتپەك.

«جۇباتۋ» بونۋسى رەتىندە ەكى قوعامدىق كولىكپەن قاتىنايتىن الماتىلىقتار 1 ساعات كولەمىندە «وڭاي» كارتاسىنىڭ ءبىر عانا تولەمىمەن، ياعني 80 تەڭگەمەن ءجۇرۋ مۇمكىندىگىنە يە بولادى.

جاۋاپتىلار كولەڭكەلى بيزنەسپەن وسىلايشا كۇرەكسپەك.

«ءبىزدىڭ ويىمىزشا 1 تامىزدان باستاپ ديفف تاريف ەنگىزىلەدى. مەترونىڭ باعاسى 80 تەڭگە بولادى، ول كوتەرىلمەيدى. ويتكەنى، مەترو اۆتوكولىك زاڭىنا كەلمەيدى. قوعامدىق كەڭەستەن كەيىن ءبىز اكىمنىڭ قاۋلىسىن يۋستيسياعا ەنگىزەمىز. يۋستيسيا تىركەگەن سوڭ 10 كۇننەن كەيىن ول كۇشىنە ەنەدى»، - دەيدى جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى، بەكزات بەكىشيەۆ.

رەسپۋبليكادا قوعامدىق كولىكتەر اسىقپاي، ءارى تەز ارادا ءوز پوزيسياسىن كۇشەيتۋدە. ماسەلەن، وسىدان 1 جىل بۇرىن قوعامدىق كولىكتەر 81،7% جولاۋشىنى تاسىسا، وسى جىلى 82،4%-عا ارتقان. تروللەيبۋسپەن قاتىنايتىن جولاۋشىلاردىڭ سانى 13،2%-عا ارتتى. ەسەسىنە، تاكسوپاركتەردىڭ جاعدايى مۇشكىل، ولاردىڭ تابىسى 36%-عا تومەندەگەن كورىنەدى. 

«ديفف تاريف دەگەنىمىز 150 تەڭگە، ول جاي ءبىر كەز-كەلگەن سان. ول 200 بولۋى مۇمكىن ەدى جاي ىنتالاندىرۋ ءۇشىن. ال، جالپى ءبىزدىڭ ەسەبىمىز 149 جارىمنىڭ ىشىنە كىرەتىنى - ونىڭ ىشىندەگى جانارمايى بار، 30 پايىزى جالاقى، كولىك جاڭارتۋى. ۇكىمەتپەن بەكىتىلگەن مەتوديكاسى بار ءوزىنىڭ، سول بويىنشا دايىندالعان ەسەپ. اكىمشىلىكتىڭ ۇسىنىسى بويىنشا، تۇسكەن 150 تەڭگەدەن جۇرگۋزىشىنى ىنتالاندىرۋ ءۇشىن 50 تەڭگەسى جۇرگىزۋشىگە بەرىلەدى. سونىمەن، ونىڭ جالاقىسى كوتەرىلەتىن بولادى»، - دەيدى «الماتى قالالىق جولاۋشىلاردى تاسىمالداۋ كاسىپورىندارىنىڭ قاۋىمداستىعى» زاڭدى تۇلعالار بىرلەستىگىنىڭ جەتەكشىسى ءسابيت امانبايەۆ.

قازىرگى ۋاقىتتا قالادا جولاۋشىلاردىڭ 70 پايىزى قوعامدىق كولىكتە جول اقىسىن «وڭاي» كارتاسىمەن تولەسە، قالعانى قولما-قول ەسەپ ايىرىسادى ەكەن.

شولۋشى: گۇلىم جاقان