جاقىندا ەكى بالانىڭ ءبىر توسەكتە جاتقان سۋرەتتەرى ينتەرنەت جەلىسىندە قاپتاپ كەتكەن ەدى. وسىعان سايكەس پروكۋراتۋرا جاڭاوزەن قالاسىنداعى  بالاباقشانى تەكسەرىپ شىقتى دەپ حابارلايدى قامشى اقپاراتتىق اگەنتتىگى tumba.kz-كە سىلتەمە جاساي وتىرىپ. "ءبىلىم سالاسىنداعى باقىلاۋ دەپارتامەنتى بالاباقشاعا  تەكسەرۋ جۇرگىزدى. كىنالى تۇلعالارعا قاتىستى سايكەسىنشە بۇيرىق شىعارىلىپ، بالاباقشانىڭ ديرەكتورى جۇمىستان شىقتى"، - دەيدى جاڭاوزەن پروكۋراتۋراسى.

بالالار باقشاسىندا ءبىرقاتار زاڭبۇزۋشىلىقتار انىقتالعان، ءبىراق  بۇلدىرشىندەردىڭ توسەك ورىندارىمەن ىدىس-اياقتار جەتكىلىكتى بولىپ شىقتى.

تاعى دا ايتا كەتەتىنى 280 بالا سىياتىن №13 بالاباقشادا تەكسەرىس كەزىندە 168 بالا عانا بولعان.

" №13 بالاباقشانىڭ ديرەكتورى ءوز ەركىمەن جۇمىستان شىقتى. ماڭعىستاۋ وبلىسىندا مۇنداي جايت العاش رەت بولىپ وتىر"، - دەيدى ءبىلىم سالاسىن باقىلاۋ دەپارتامەنتىنىڭ باسشىسى ەسبولات ءومىرزاق.