قارت اناسىن قاپالاندىرعان بالالار. استانادا 75-تەگى كەيۋانانى وزەگىن جارىپ شىققان ۇلى مەن قىزى دالادا قالدىرماق. ولار ايتجامال اجە تۇرىپ جاتقان پاتەردى ءوز اتتارىنا اۋدارىپ الىپ، ول كىسىنى باسپانادان قۋىپ شىققىسى كەلىپ جاتىر ەكەن، دەپ جازادى قامشى اقپاراتتىق اگەنتتىگى Stan.kz سايتىنا سىلتەمە جاساپ.

شاراسىز انا سوتقا شاعىمدانعانىمەن، ونداعىلار شاعىمدى وتباسىلىق ماسەلە دەپ، قاراماي قويىپتى. 

ايتجامال ءاشىموۆانىڭ جاسى 75-تە. 4 بالانىڭ اناسى. ەكى ۇل، ەكى قىز سۇيگەن. ءبىر قىزى 1-توپتاعى مۇگەدەك بولعاندىقتان،  20 جىل بويى سوعان قاراعان. ءسويتىپ جۇرگەندە قۇداي قوسقان جولداسى جارىمجان بالاسىنا قاراۋدان باس تارتىپ،  تاستاپ كەتكەن. قولىندا سول قىزىنان تۋعان نەمەرەسى بار.

«مامانىڭ اعايىندارى بار. ءبىراق تا ەشكىم وسى جىلدار بويى كومەكتەسكەن جوق. كومەكتەسكەننىڭ ورنىنا اجەمنىڭ جىلدارىنىڭ سوڭىندا كۆارتيراسىن تارتىپ الىپ، باسقا ەشتەڭە ىستەگەن جوق. مامانىڭ ءقازىر قولدارى دا قوزعالا المايدى.

جۇرە المايدى. اجەم وسى 20 جىلداي بويى ماماما قارادى. جانە مەنى باقتى، ءوسىردى. وعان ارينە ۇلكەن راقمەت» – دەيدى ايتجامال ءاشىموۆانىڭ نەمەرەسى جاندوس ىبىرايەۆ.

كەيۋانانىڭ قوس بالاسى اتىنا تارتىپ العان بۇل جالعىز پاتەر ەمەس ەكەن. مۇگەدەك قىزىنا مەملەكەت بەرگەن باسپانانى دا اتتارىنا اۋدارىپ، ساتىپ جىبەرگەن.

شاراسىز انا ادىلەت ىزدەپ، سوتقا شاعىمدانعان. ال  قۇزىرلى ورگان وكىلدەرى مۇنى وتباسىلىق ماسەلە دەپ قاراماي، جىلى جاۋىپ قويعان. اناسىنىڭ بۇل ارەكەتىن ەستىگەن بالاسى حابارلاسىپ، ءتىپتى قوقان-لوققى كورسەتكەن.

« يا ۆام پريامو گوۆوريۋ، ەسلي ۆى ەششە راز، كتو-تو يز ۆاس ناپيشەت بۋماگۋ، يا زاۋرەشكە سكاجۋ، ونا ۆىسەلەت ۆاس يز دوما»،-دەپ تەلەفون ارقىلى ءوز اناسىن قورقىتتى  ايتجامال انانىڭ تۋعان بالاسى.

«ماما، ونا ۆىسەليات نە بۋدەت، يا ەي سكاجۋ چتوبى ونا ەتۋ كۆارتيرۋ پرودالا. ي ۆاس بۋدۋت ۆىسەليات درۋگيە ليۋدي»،-دەدى قايىرىمسىز ۇل تۋعان اناسىنا.

«مەن سەنىڭ قايدا باراتىنىڭدى بىلەمىن، سەن ۇيدە تۇرماۋىڭ كەرەك، سەن دالادا تۇرۋىڭ كەرەك. كاك بيچتار سەكىلدى دەيدى ماعان. سوسىن مەن ايتتىم، قالاي مەن جۇرەمىن. مەنىڭ ءومىر بويى ءۇيىم بولدى. بالەن بالا تاربيەلەدىم.

مەنى وكىمەت دالاعا تاستاعان جوق. سەنىڭ مىنا ۇيگە ەڭبەگىڭ ءسىڭدى ما؟ سەن الدە ماعان اقشا بەردىڭ با دەيمىن. مەن سەنى وقىتتىم عوي، جەتكىزدىم عوي، سەنىڭ ماعان ىستەپ وتىرعان راقمەتىڭ وسى ما دەيمىن» – ايتجامال ءاشىموۆا.

كۇندىز كۇلكىدەن، تۇندە ۇيقىدان ايىرىلعان بايقۇس انا، بالالارىنا قايتا حابارلاسىپ ەندىگى كۇنىم نە بولادى دەپ سۇراماق بولعان.

– ما، چە ۆام نادو؟ ۆى منە سكاجيتە؟

– ماعان ەشتەڭە دە كەرەك جوق. كۆارتيرامدى ەرتەڭنەن باستاپ، اكەپ بەر دە، وفورميت ەت. ءبىتتى. ودان باسقا سەندەردەن ەشتەڭە ترەبوۆات ەتپەيمىن، كورمەسەڭ دە، كومەكتەسپەسەڭ دە ءوزىڭ ءبىل. ساۋلە مىناۋ ول اۋىرىپ وتىر. ءبىر رەت  وعان كامپيت اكەلىپ بەردىڭ بە؟ مەن 3 رەت وپەراسيا جاساعاندا ءبىر رەت تە كەلمەدىڭدەر.

-داۆايتە سدەلاەم تاك، سەيچاس يا نە موگۋ رازگوۆاريۆات، داۆايتە پو پوزجە پوگوۆوريم».

شاراسىز حالدەگى انا قىزىنا دا حابارلاسىپ كوردى. المادى. ال،  4 بالانىڭ اناسىنا ۇلكەن قىزى تىنىشتىق بەرۋگە دە ۋادە ەتكەن ەكەن. اناسى ونىڭ سوزىنەن تايقىپ كەتسە قولدانامىن دەپ ۆيدەو تاسپاعا دا جازىپ العان ەكەن.

«كۆارتيرۋ مام يا تەبە ۆەرنۋ. ۆسە./ مامە يا ۆەرنۋ. منە چۋجوگو نە نادو. ۆوت پودوجدي دو 20-21 سەنتيابريا» – دەيدى قىزى.

الايدا، جەتەسىز پەرزەنت بەرگەن ۋادەسىندە تۇرماعان. ءقازىر ول سوزىنەن اينىپ، اناسىنىڭ ءۇيىن قايتارامىن دەگەن ويى دا جوق. كەرىسىنشە دالاعا قۋىپ وتىر.

ءوز بالالارى وزەككە تەپكەن جان ەندى كىمنەن كومەك سۇرارىن بىلمەي دال. ۇلى مەن قىزى ءوز اتتارىنا اۋدارىپ العان باسپانادان قۋىپ شىعاتىن بولسا، مۇگەدەك قىزىنا تۋعان نەمەرەسىمەن قايدا بارىپ كۇنەلتەرىن بىلمەيدى. ءبىر شەتى ءوزى قاراي الماعان سوڭ “مۇگەدەكتەر ۇيىنە ” وتكىزگەن قىزىنىڭ دا ەرتەڭىنە الاڭداۋلى.