پارلامەنت ءماجىلىسىنىڭ دەپۋتاتتارى، «نۇر وتان» پارتياسى فراكسياسى مۇشەلەرى ءابدىماناپ بەكتۇرعانوۆ، ەرجان قۇدايبەرگەن، ساكەن قانىبەكوۆ، مانسۇرحان ماحامبەتوۆ وڭتۇستىك قازاقستان وبلىسىنا جۇمىس ساپارى بارىسىندا قازىعۇرت اۋدانىندا بولىپ، ءبىرقاتار كەزدەسۋلەر وتكىزدى دەپ حابارلايدى قامشى اقپاراتتىق اگەنتتىگى قازاقستان رەسپۋبليكاسى پارلامەنتى ءماجىلىسىنىڭ باسپا ءسوز قىزمەتىنە سىلتەمە جاساپ. 

اۋدان اكىمدىگى عيماراتىندا ازاماتتاردى جەكە ماسەلەلەرى بويىنشا قابىلداپ، وندا مەكتەپ جانە تۇرعىن ءۇي سالۋعا رەسپۋبليكالىق بيۋدجەتتەن قاراجات قاراستىرۋ، ءدىني ەكسترەميزم جانە تەرروريزم ماسەلەلەرىنە، EGOV ەلەكتروندى ۇكىمەت پورتالىنىڭ جۇمىسى، اۋىل ينفراقۇرىلىمىن دامىتۋ بويىنشا ماسەلەلەر قوزعالدى.

وسى كۇنى دەپۋتاتتار اۋدانداعى قىزىلكيا اۋىلدىق وكرۋگىندەگى «امانكەلدى» جشس-نىڭ باۋ باقشاسى جۇمىسىمەن تانىستى. شارۋا قوجالىعىنىڭ 1000 گەكتاردان استام ەگىستىك جەرى بار. وندا الما، شابدالى، شيە، الحورى جانە تاعى دا باسقا جەمىس-جيدەك اعاشتارى ەگىلگەن. قوجالىق وسىمدىك داقىلدارىن وسىرۋمەن قاتار، قايتا وڭدەۋمەن اينالىسادى (بيداي، ماقسارى، جەمىس-جيدەك جانە ءجۇزىم). وندىرىستە 250 ازامات تۇراقتى جۇمىس جاسايدى.
 

شولۋشى: اسەم المۇحانبەت