قازاقستاندىق ءانشى ديماش قۇدايبەرگەن قىتايدىڭ حۋنان پروۆينسياسىندا بولعان سۋ تاسقىنى اپاتىنان زارداپ شەككەندەرگە اقشالاي كومەك كورسەتكەن ەدى. بۇل جاعدايدى ديماش قۇدايبەرگەننىڭ اكەسى قانات ايتبايەۆ جوققا شىعاردى دەپ حابارلايدى قامشى اقپاراتتىق اگەنتتىگى. بۇل تۋرالى قانات ايتبايەۆ  Facebook پاراقشاسىندا جازدى.

 "مەن ءوزىمىز جونىندەگى كوپ جاڭالىقتى باسپا ءسوز بەتىنەن بىلەمىن… ديماش كورشى ەلدىڭ سۋ باسقان ايماعىنا پالەن ميلليون اۋدارىپتى دەگەندى دە جاريالاپتى. ءار ەلدىڭ سالتى باسقا — ديماشتىڭ ونەرىنە ءتانتى قىتايلىق فيرما ءوز جەرلەستەرىنە كومەكتەسىپ، ءبىزدىڭ بالانىڭ اتىنان قاراجات اۋدارىپتى. (ديماش ول دەڭگەيگە ءازىر جەتە قويعان جوق.) بىزگە دە، وزدەرىنە دە جاقسىلىق جاساعىسى كەلگەن بولار…"، — دەپ جازعان قانات ايتبايەۆ جەلىدەگى پاراقشاسىندا.بەلگىلى بولعانداي، سۋ تاسقىنىنان زارداپ شەككەندەرگە قاراجاتتى ديماشتىڭ اتىنان ءانشىنىڭ قىتايداعى پروديۋسەرلىك كومپانياسى BG Talent اۋدارعان.