سولتۇستىك قازاقستان وبلىسىنىڭ اكىمى قۇمار اقساقالوۆ ءوڭىردىڭ اكتيۆىنە ءوزىنىڭ جاڭا ورىنباسارىن تانىستىردى دەپ حابارلايدى قامشى اقپاراتتىق اگەنتتىگى.
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىنە وراي وبلىس اكىمىنىڭ وكىمىمەن جانداربەك داۋرەن جانداربەك ۇلى سولتۇستىك قازاقستان وبلىسى اكىمىنىڭ يندۋستريالىق-يننوۆاسيالىق دامۋ، ينۆەستيسيالار تارتۋ، كاسىپكەرلىك جانە تۋريزم بويىنشا ورىنباسارى بولىپ تاعايىندالدى.
داۋرەن جانداربەك ۇلى 1981جىلى جامبىل وبلىسىنىڭ شۋ اۋدانىنداعى لەنين اۋىلىندا تۋعان. م.ح.دۋلاتي اتىنداعى قازاق ەكونوميكا ۋنيۆەرسيتەتىن، قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن ەكونوميست، زاڭگەر، ساياساتتانۋ ماماندىقتارى بويىنشا بىتىرگەن. داۋرەن جانداربەك الەۋمەتتىك ءبىلىم ماگيسترى، قازاق ، ورىس ، اعىلشىن جانە تۇرىك تىلدەرىن مەڭگەرگەن
ەڭبەك جولىن 2004 جىلى الماتى قالاسى بويىنشا قازاقستان رەسپۋبليكاسى تابيعي مونوپوليالاردى رەتتەۋ جانە جانە باسەكەلەستىكتى قورعاۋ اگەنتتىگى دەپارتامەنتىنىڭ باسەكەلەستىكتى قورعاۋ جانە دامىتۋ ءبولىمىنىڭ جەتەكشى مامانى بولىپ باستادى.
2005 جىلدان 2015 جىلعا دەيىن ءبولىمنىڭ جەتەكشى مامانىنان قازاقستان رەسپۋبليكاسى تابيعي مونوپوليالاردى رەتتەۋ جانە جانە باسەكەلەستىكتى قورعاۋ اگەنتتىگى دەپارتامەنتىنىڭ باسشىسىنا دەيىنگى جولدان ءوتتى.
2015-2016 جىلدارى – ەۋرازيا ەكونوميكالىق كوميسسياسىندا مەملەكەتتىك ساتىپ الۋ سالاسىندا ساياسات باسەكەلەستىگى جانە ساياسات دەپارتامەنتى ديرەكتورىنىڭ ورىنباسارى قىزمەتىن اتقاردى.
2016 جىلدان وسى تاعايىنداۋعا دەيىن ەۋرازيا ەكونوميكالىق كوميسسياسىندا مەملەكەتتىك ساتىپ الۋ سالاسىندا ساياسات باسەكەلەستىگى جانە ساياسات دەپارتامەنتى ديرەكتورى بولىپ ەڭبەك ەتتى.
وبلىس اكىمى قۇمار اقساقالوۆ داۋرەن جانداربەككە جاڭا قىزمەتىندە جەتىستىك تىلەپ، وڭىردە جەكە ينۆەستيسيانى تارتۋ جانە كوبەيتۋ بويىنشا جۇمىستى جانداندىرۋدى تاپسىردى.
«ءبىزدىڭ مول ينۆەستيسيالىق مۇمكىندىگىمىز بار. اسىرەسە رەسەي فەدەراسياسىمەن جانە قىتايمەن بىرلەسە ىس-ارەكەت ەتۋگە ەرەكشە كوڭىل اۋدارۋ كەرەك. سونىمەن بىرگە توقتاپ تۇرعان كاسىپورىندار قىزمەتىن جانداندىرۋ بويىنشا جۇمىستى كۇشەيتۋ قاجەت. ونەركاسىپتىڭ نەگىزگى سالالارى جۇمىسىن قولعا الۋ كەرەك. ونىڭ ىشىندە – اۋىل شارۋاشىلىعى ماشينالارىن جاساۋدى. ءاربىر اۋداندا يندۋستريالىق-يننوۆاسيالىق جوبالار بولۋعا ءتيىس»، – دەدى قۇمار اقساقالوۆ.
