26 ماۋسىم مەن 2 شىلدە ارالىعىندا يسپانيانىڭ مالاگا قالاسىندا وتكەن دۇنيەجۇزىلىك ححI سپورتتىق ترانسپلانت-ويىندارىندا قازاقستان قۇراماسى التىن مەدال يەلەندى دەپ حابارلايدى قامشى اقپاراتتىق اگەنتتىگى. دۇنيەجۇزىلىك ترانسپلانت-ويىندارىندا ءبىرىنشى ورىندى بوۋلينگتەن ايەلدەر اراسىندا گۇلميرا سمايلوۆا جەڭىپ الدى. قازاقستان قۇراماسىنان 6 سپورتشى ءجۇزۋ، ۇستەل تەننيسى جانە بوۋلينگ بويىنشا جارىسقا ءتۇستى. يسپانيادا وتكەن دۇنيەجۇزىلىك XXI سپورتتىق ترانسپلانت-ويىندارىنا دونورلىق ورگاندارى بار سپورتشىلار قاتىسقان بولاتىن. كوماندا كاپيتانى جانىبەك وسپانوۆ قازاقستاندا تۇڭعىش جۇرەك ترانسپلانتاسياسىن جاساتقان ازامات. ال التىن مەدال يەگەرى گۇلميرا سمايلوۆا ورتالىق كوممۋنيكاسيالار قىزمەتىندەگى باسپا ءسوز كونفەرەنسيادا
-ترانسپلانتاسيا جاڭا ءومىر سىيلادى، وپەراسيادان كەيىن ەكىنشى تىنىسىم اشىلىپ، بۇرىن بولماعان سۋرەت سالۋعا قابىلەتىم وياندى،- دەدى.
حالىقارالىق جارىستا قازاقستان قۇراماسى تۇڭعىش رەت ب ا ق سىنادى. سپورتشىلار ترانسپلانتاسيادان كەيىنگى سپورتتىڭ ۇلتتىق فەدەراسياسىن قۇرۋعا نيەتتى. فەدەراسيانى قۇرۋ عىلىمي زەرتتەۋلەرگە سەرپىن بەرەدى، ترانسپلانتاسيانىڭ تانىمالدىلىعىنا ىقپال ەتەدى.
