بەس جىلدا ەلىمىزدە ەلۋدەن استام ناۋقاسقا جۇرەك ترانسپلانتاسياسى جاسالعان دەپ حابارلايدى قامشى اقپاراتتىق اگەنتتى.   بۇل تۋرالى ورتالىق كوممۋنيكاسيالار قىزمەتىندەگى باسپا ءسوز كونفەرەنسيادا  «ۇلتتىق عىلىمي كارديوحيرۋرگيا ورتالىعى» اق باسقارما ءتوراعاسى يۋريي پيا مالىمدەدى. ترانسپلانتاسيا تاريحى وسىدان 50 جىل بۇرىن افريكا ەلدەرىندە باستالعانىن ەسكەرسەك قازاقستان مەديسيناسى سوڭعى بەس جىلدا جاڭا تەحنولوگيالاردى پايدالانىپ، ءتۇرلى اعزاعا ترانسپلانتاسيا جاساي باستاعان. دارىگەردىڭ ايتۋىنشا بۇگىندە جۇرەك دونورىن كۇتىپ جۇرگەن 70 قازاقستاندىق بار. يۋريي پيا مۇشەسىن اۋىستىرۋ كەزەگى كەلگەنشە باقيلىق بولىپ كەتەتىن ناۋقاستار تۋرالى دا ايتىپ ءوتتى. «حالىققا ءتۇسىندىرۋ جۇمىستارىن دۇرىس جۇرگىزە الساق، ەكىنشى ءومىر سىيلاۋعا مۇمكىندىك بولار ەدى»، - دەيدى ول.

ق ر دسم مەديسينالىق جاردەم ۇيىمداستىرۋ دەپارتامەنتى ديرەكتورىنىڭ ورىنباسارى تاستانوۆا ايگۇلدىڭ 2017 جىلعى ستاتيستكالىق مالىمەتى بويىنشا 2 860 ادام بۇيرەك، 526 ادام باۋىر جانە 10 ناۋقاس وكپە ترانسپلانتاسياسىنىڭ كەزەگىندە تۇر.

شولۋشى: اسەم المۇحانبەت