استاناداعى حالىقارالىق EXPO-2017 كورمەسى اياسىندا كاسىپقوي بوكس كەشى وتەدى. ءبىرىنشى جارىستا قازاقستاننىڭ 22 جاسار كاسىبي بوكسشى قىزى فيرۋزا شاريپوۆا الەم چەمپيونى اتاعىنا تالاساتىن بولادى، دەپ حابارلايدى قامشى اقپاراتتىق اگەنتتىگى ەكسپو-نىڭ مەديا ورتالىعىنا سىلتەمە جاساي وتىرىپ. سپورت كەشىن حالىقارالىق EXPO-2017 كورمەسى جانە فيرۋزا شاريپوۆانىڭ كومانداسى ۇيىمداستىرۋدا.
«استانا ەكسپو-2017» ۇلتتىق كومپانيا باسشىسى احمەتجان ەسىموۆ شاريپوۆانىڭ كومانداسىمەن كەزدەسىپ، الەمگە ايگىلى وتاندىق سپورتشىلار مەن ەكسپو كورمەسىنىڭ ماقساتى ءبىر ەكەنىن اتاپ ءوتتى.
«مەن ايەلدەر اراسىندا كاسىبي بوكستان ءبىرىنشى الەم چەمپيونى اتانۋعا ۇلكەن مۇمكىندىك تۋعانىنا جانە بۇل اتاق ءۇشىن قازاقستاندا باسەكەگە تۇسەتەنىمە قۋانىشتىمىن. حالىقارالىق EXPO-2017 كورمەسى ۇيىمداستىرۋشىلارىنا جانە ارنايى باسقارما ءتوراعاسى احمەتجان ەسىموۆكە وسىنداي اۋقىمدى فورۋمدا ءسوز سويلەۋىمە مۇمكىندىك بەرگەنى ءۇشىن العىس بىلدىرەمىن»، - دەپ اتاپ ءوتتى فيرۋزا شاريپوۆا.
كاسىپقوي بوكس EXPO-2017 اۋماعىنداعى وزىنە 6 مىڭ كورەرمەن جيناي الاتىن امفيتەاتردا وتپەك. ايتا كەتەيىك، فيرۋزا شاريپوۆا 10 جاستان باستاپ بوكسپەن اينالىسا باستادى. اۋەسقوي مانساپ جولىندا ەكى رەت قازاقستان چەمپيونى، ازيا چەمپيوناتىنىڭ جۇلدەگەرى جانە الەم چەمپيوناتىنىڭ شاكىرتى بولدى.
2016 جىلدىڭ 21 مامىرىندا ماسكەۋ قالاسىندا كاسىقوي بوكستا دەنيس لەبەديەۆ پەن ۆيكتور راميرەس وتكىزگەن اۋقىمدى كەزدەسۋدىڭ اندەركاردى اتانعان وليمپيادانىڭ كۇمىس جۇلدەگەرى، ەكى دۇركىن الەم چەمپيونى، ءۇش دۇركىن ەۋروپا چەمپيونى رەسەيلىك سوفيا وليچيۆامەن جۇدىرىقتاستى. سودان كەيىن، ول يسپانيادا، قازاقستاندا جانە رەسەيدە جۇدىرىقتاستى. 29 ماۋسىمدا ماسكەۋدە وتكەن سوڭعى جەكپە-جەگىندە فيرۋزا رەسەيلىك بيانكا پرياشكانى ءبىرىنشى راۋندتان كەيىن جەڭدى.
شولۋشى: اسەل بولات قىزى
