رەسەيدىڭ تانىمال بلوگەرى سەرگەي نيكيتسكيي EXPO-2017 كورمەسىنەن العان اسەرىن كوپشىلىكپەن ءبولىسىپ، بىرنەشە ماتەريالدارىن جاريا ەتتى دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساي وتىرىپ. ول رەسەي مەن الەمگە جاساعان ساياحاتتارىن عالامتورداعى ءىرى پورتالداردا جاريالاپ، ساراپتاما جاساپ وتىرادى. نيكيتسكيي استانادا بولعان ءۇش كۇن ىشىندە قالانى ءتۇرلى قىرىنان تانىپ-بىلگەنىن ايتادى. سونىمەن قاتار، ەكسپو تۋرالى شىنايى كوزقاراس قالىپتاستىرۋ ءۇشىن الدىمەن كورمەنى تولىق ارالاپ شىعۋ كەرەك دەيدى. 
سەرگەي نيكيتسكيي، بلوگەر: « قازاقستاننىڭ پاۆيلونى مەن ەنەرگيا مۇراجايى مەنىڭ ەسىمدە ەرەكشە ساقتالىپ قالدى. سەگىزىنشى قاباتتاعى وتە كەرەمەت كومپوزيسيالار ەرەسەكتەردى دە، بالالاردى دا بەي-جاي قالدىرمايتىنى انىق. كورمەدە وتكىزگەن ءۇش كۇن الەمدەگى ەنەرگەتيكا تۋرالى جالپى عالامدىق تۇسىنىك بەرەدى. قالانىڭ كوركى ەرەكشە اسەر ەتتى. استاناداعى اسپانمەن تالاسقان بيىك ءزاۋلىم عيماراتتار مەن كەڭ داڭعىل جولدار دۋبايدى ەسكە تۇسىرەدى. ەل ورداسى دەگەن اتقا ساي ەكەنى كورىنىپ تۇر. مەن، ءتىپتى، قىزعانىپ كەتتىم. رەسەيدە جاڭادان پايدا بولىپ، دامۋ جولىنا تۇسكەن مۇنداي قالا جوق. سوسىن ايت كەتەتىنى تۇرعىنداردىڭ قوناقجاي قىلىقتارى ۇنادى. ءبىز بولعان كەز-كەلگەن جەردە ادامدار كۇلىمدەپ قارسى الىپ جاتتى»،- دەيدى سەرگەي نيكيتسكيي.