ءبىر اپتا بۇرىن ۋكراينانىڭ بانك، اۋرۋحانا جانە مەملەكەتتىك مەكەمەلەرى جاپپاي حاكەرلىك شابۋىلعا تاپ بولعان. ساراپشىلار حاكەرلەردىڭ تۇپكى ماقساتى اقشا ەمەس ەكەنىن انىقتادى دەپ حابارلايدى قامشى اقپاراتتىق اگەنتتىگى بي-بي-سي-گە سىلتەمە جاساپ.

وششادبانك ەل بويىنشا 3650 فيليال مەن 2850 بانكوماتتار شابۋىلدالعانىن حابارلادى.

جاڭا ۆيرۋس قۇپيا ءسوزدى انىقتاپ، اكىمشىلىكتىڭ قۇقىعىن يەلەنىپ، اقپاراتتاردى ءوشىرىپ، شيفرلاپ، كومپيۋتەرلەردە قاجەتتى باعدارلامالاردى ىزدەپ، تاڭداۋلى تۇردە شابۋىل جاساۋعا مۇمكىندىك الدى.

ۆيرۋس – اقشا بوپسالاۋشى ما الدە ەلگە شابۋىلداۋشى ما؟

ۋكرايندىق كومپانيالار ءوز كومپيۋتەرلىك جۇيەسىنىڭ جۇمىسىن قالپىنا كەلتىرىپ جاتقاندا، ەۋروپا مەن امەريكانىڭ كيبەرقاۋىپسىزدىك بويىنشا ماماندارى ونىڭ ادەتتەگى شابۋىل ەمەس ەكەنىن انىقتاعان. ونىڭ سالدارى ۋكراينا شەكاراسىنان شەتەلدەرگە دە تارالۋى مۇمكىن ەكەنىن حابارلادى.

حاكەرلەر ۋكراينانىڭ ينفراقۇرىلىمىندا سيفرلى حاوس تۋدىرماق بولعان. بۇل ۋكراينانىڭ مەملەكەتتىك ينستيتۋتتارىنا زارداپ تيگىزۋ ءۇشىن جاسالعان. 

شولۋشى: اسەم المۇحانبەت