ۋكراينا استاناسى كييەۆتە زەينەتكەرلەر زەينەتاقىنى كوتەرۋدى تالاپ ەتىپ ميتينگىگە شىقتى دەپ حابارلايدى قامشى اقپاراتتىق اگەنتتىگى.
كيۆەتەگى ۇكىمەت ءۇيىنىڭ الدىندا ءىىم ارداگەرلەرى مەن پوليسيا قىزمەتكەرلەرىنىڭ اراسىندا قاقتىعىس بولدى. قارسىلىق اكسياسىنا شىققاندار گرۋشيەۆسكيي كوشەسىن جاۋىپ، ۋكراينانىڭ ۆيسە-پرەمەرى ستەپان كۋبيكوۆتىڭ حالىقپەن كەزدەسۋىن تالاپ ەتتى. بۇل تۋرالى ۋكراينانىڭ تاۋەلسىز كاسىپوداق باسشىسى ميحايل ۆولىنەس الەۋمەتتىك جەلىگە جازدى.
ونىڭ ايتۋىنشا، زەينەتكەرلەر 950 گريۆەن كولەمىندە زەينەتاقى الادى. الايدا ورتاشا تولەم ودان دا كوپ – 1،5 مىڭ گريۆەن.
شولۋشى: اسەم المۇحانبەت
