الماتىدا باستاپقى بولجام بويىنشا ماس بولعان جۇرگىزۋشى ماشيناسىمەن بەس كولىكتى سوقتى، جول-كولىك وقيعاسىنان 15 جاستاعى ءجاسوسپىرىم زارداپ شەكتى، دەپ حابارلايدى قازاقپارات.

Honda Accord اۆتوكولىگىنىڭ جۇرگىزۋشىسى مومىش ۇلى مەن ساين كوشەسىنىڭ اراسىندا اباي داڭعىلىنىڭ بويىندا جىلدامدىقتى اسىرىپ، Mitsubishi Galant ماشيناسىنا سوعىلعان. Honda قاتتى سوققىدان قارسى بەتكە شىعىپ كەتىپ، تاعى ءۇش ءاۆتوموبيلدى: Volkswagen Golf III،  Mazda 323 مەن Hyundai Accentء-تى سوققان. جۇرگىزۋشى وقيعا ورنىنان قاشىپ كەتيپەك بولىپ، تاعى ءبىر ماشينانى -  Mitsubishi Space Wagon-دى سىرىپ كەتكەن.

باسقا كولىكتىڭ يەلەرى جول اپاتىنا كىنالىنى ۇستاپ الۋعا ارەكەتتەنگەنىمەن ول وقيعا ورنىنان سىتىلىپ كەتتى. ءقازىر ول كولىككە ىزدەستىرۋ جاريالاندى. جول-كولىك وقيعاسىنان Hyundai Accent-تە وتىرعان 15 جاستاعى قىز بالا زارداپ شەكتى. ونى جەدەل جاردەم قىزمەتى الىپ كەتتى.

ول جول اپاتىنا قاتىستى باسقا دا تۇستاردى الماتى قالالىق جول پوليسياسى مەن انىقتاۋشىلار ناقتىلايدى.