الەۋمەتتىك ماسەلەلەر كەزەك كۇتتىرمەۋى ءتيىس. اسىرەسە مۇمكىندىگى شەكتەۋلى جانداردىڭ ءوتىنىشى ءبىرىنشى كەزەكتە قارالۋى كەرەك. وسى جانە وزگە دە ماسەلەلەردىڭ شەشىلۋ جولدارىن تالقىلاۋ ماقساتىندا «نۇر وتان» پارتياسىنىڭ وبلىستىق فيليالى قوعامدىق قابىلداۋ وتكىزدى. بۇل تۋرالى قامشى اقپاراتتىق اگەنتتىگى 24.kz مالىمەتىنە سۇيەنىپ حابارلايدى.

 نەگىزىنەن تۇرعىنداردى باسپانا جايى مەن مەديسينالىق قىزمەت قىنجىلتادى. سىرداريا اۋدانىنىڭ تۇرعىنى قاراكوز ابەتوۆا ناۋقاس 2 بالاسىن زاماناۋي مەديسينالىق ورتالىقتارعا ەمدەتۋگە جاردەم سۇراي كەلىپتى. فيليال ءتوراعاسى «قىزىلوردا يگىلىگى» كورپوراتيۆتىك قورى ارقىلى ماسەلەنى شەشۋگە ىقپال ەتەتىنىن ايتتى. 3 نەمەرەسىن ءبىر ءوزى باعىپ-قاعىپ وتىرعان زەينەتكەر ناتاليا جيحاريەۆا دا ولاردىڭ وقۋ اقىسىن تولەۋ قيىنعا سوعىپ وتىرعانىن جەتكىزدى.

ناتاليا جيحاريەۆا، قالا تۇرعىنى: - نەمەرەمنىڭ وقۋعا ىنتاسى جاقسى. ءبىراق تولەماقىعا كەلگەندە جىل سايىن كىبىرتىكتەپ، قينالىپ قالامىز. 3 نەمەرەم جاستايىنان تۇل جەتىم قالدى. ۇلكەنىنە اۋپىرىمدەپ ديپلومىن الىپ بەردىم. پارتيا ءتوراعاسى، وبلىس اكىمى ءبىر جىلعى 150 مىڭ تەڭگە وقۋ اقىسىن تولەپ بەرەمىز دەپ قۋانتتى. بالام ءۇشىن قۋانىپ تۇرمىن. ايتپەسە زەينەتاقىممەن قاي جىرتىعىمدى جامايىن. 

شولۋشى: ايگەرىم تاۋباي