اقش اق ءۇيىنىڭ باسپا ءسوز حاتشىسى كەڭسەسى اقش پرەزيدەنتى دونالد ترامپ پەن جۇڭگو باسشىسى سي سزينپيننىڭ G20 ءسامميتى اياسىنداعى كەزدەسۋى تۋرالى كوممەنتارييندە  سي ءسزينپيندى تايۆاننىڭ سوڭعى پرەزيدەنتى دەپ كورسەتكەن. بۇل تۋرالى Bloomberg جازدى.

تاراتىپ ايتار بولساق، قۇجاتتا سي سزينپين «جۇڭگو پرەزيدەنتى» دەپ كورسەتىلگەن. اتالعان اتاۋ ءىشىنارا ەلدەر مويىنداعان  تايۆان رەسپۋبليكاسىنىڭ اتاۋى بولىپ تابىلادى.

قىتايدىڭ رەسمي اتاۋى بولسا  — جۇڭگو حالىق رەسپۋبليكاسى (قحر).

بۇعان دەيىن ترامپ قىتايمەن اراسىن ۋشىقتىرماۋ ءۇشىن تايۆان باسشىسى ساي ينۆەنمەن كەزدەسۋدەن باس تارتقان ەدى.

سينحۋا اگەنتتىگىنىڭ جازۋىنشا، G20 ءسامميتى اياسىندا كەزدەسكەن ەكى الپاۋىت ەلدىڭ باسشىلارى سولتۇستىك كورەيانىڭ يادرولىق قارۋ باعدارلاماسى تۋرالى سويلەسكەن. ولار  «بەيبىت قىسىم» جاساۋ ارقىلى مامىلەگە كەلۋ قاجەت ەكەنىن ايتقان. 

ايتا كەتەر بولساق، ءتايۆاندى اقش، جاپونيا سياقتى ەلدەر جەكە مەملەكەت رەتىندە مويىنداسا، جۇڭگو ءوز تەرريتورياسى دەپ سانايدى. قازاقستاننىڭ تايۆانمەن ديپلوماتيالىق بايلانىسى جوق.