الماتى وبلىسى اكىمىنىڭ ورىنباسارى تاعايىندالدى. بۇل قىزمەتكە بۇعان دەيىن ق ر پرەمەر-مينيسترى كەڭسەسىنىڭ وڭىرلىك دامۋ ءبولىمى مەڭگەرۋشىسىنىڭ مىندەتىن اتقارعان تۇياقوۆ جەڭىس شىلبىن ۇلى كەلدى. بۇل تۋرالى قامشى اقپاراتتىق اگەنتتىگى Primeminister.kz-كە سىلتەمە جاساپ  حابارلايدى.

بۇگىن الماتى وبلىسى اكتيۆىنىڭ جينالىسى بارىسىندا اكىم اماندىق باتالوۆ اكىمنىڭ جاڭا ورىنباسارىن تانىستىردى. جەڭىس تۇياقوۆ - الماتى وبلىسىنىڭ تۋماسى، 1967 جىلى دۇنيەگە كەلگەن. ەكى جوعارى ءبىلىمى بار: "ەكونوميكا جانە مەنەدجمەنت" ماماندىعى بويىنشا ەكونوميكا جانە قۇقىق ينستيتۋتىن جانە الماتى مەملەكەتتىك مەديسينالىق ينستيتۋتىن ءتامامداعان. تاعايىندالعان اكىم ورىنباسارىنىڭ ورتالىق جانە جەرگىلىكتى اتقارۋشى ورگاندارداعى باسقارۋ جۇمىسىندا تاجىريبەسى مول. ءارتۇرلى جىلدارى ق ر ەنەرگەتيكا مينيسترلىگىنىڭ دەپارتامەنت ديرەكتورى بولىپ جۇمىس ىستەگەن، قازاقستاننىڭ بىرنەشە وڭىرىندە ەنەرگەتيكا جانە تكش سالالارىندا سالالىق قۇرىلىمداردى باسقارعان.

بۇدان وزگە، جەڭىس تۇياقوۆ ەنەرگەتيكا سالاسىنداعى ۇلتتىق كومپانيالاردا باسقارۋشى قىزمەتتەر اتقارعان، سونىمەن قاتار "قازاقستان ەلەكتر جەلىلەرىن باسقارۋ كومپانياسى" اق ("كەGOC") باسقارۋشى ديرەكتورى بولىپ جۇمىس ىستەگەن.

شولۋشى: ايگەرىم تاۋباي