ۇلىبريتانيا پرەمەر-مينيسترى تەرەزا مەيدىڭ Brexit-تەن كەيىن كورولدىكتە تۇراتىن ەۋروپالىق ازاماتتارعا بەرىلەتىن مۇمكىندىكتەر تۋرالى ايتقان ۇسىنىسىنا ەۋروپارلامەنت مۇشەلەرىنىڭ كوڭىلى تولمايدى، دەپ حابارلايدى قامشى اقپاراتتىق اگەنتتىگى شەتەلدىك ب ا ق-قا سىلتەمە جاساپ.

ولار مۇنداي مالىمدەمەنى وزدەرىنىڭ اشىق حاتىندا جازعان. ونى دەپۋتاتتاردىڭ تورتتەن ءۇشى ماقۇلدادى. ەۋروپالىق پارلامەنتتىڭ Brexit كەلىسسوزدەرى بويىنشا وكىلى گي ۆەرحوفستادتتىڭ ايتۋىنشا، بريتانيا ۇسىنىسى قابىلدانسا، ەۋروپالىقتار كورولدىكتە ەكىنشى ساناتتى ازامات بولىپ قالادى. ال بۇعان دەيىن ۇلىبريتانيا ەكى تاراپتىڭ ازاماتتارىنا تەڭ قۇقىق بەرۋگە ۋادە ەتكەن.

ەسكە سالا كەتەيىك، ماۋسىم ايىنىڭ سوڭىندا تەرەزا مەي بريتانيادا تۇراتىن ەۋرووداق ازاماتتارىنا 5 جىلعا دەيىن كورولدىكتە ەمىن-ەركىن ءومىر ءسۇرىپ، جەرگىلىكتى ازاماتتارمەن تەڭ قۇقىقتا بولاتىنىن ايتقان ەدى. دەرەكتەرگە قاراعاندا بۇگىندە ۇلىبريتانيادا ەۋروپالىق وداققا مۇشە ەلدەردىڭ 3 ملن 2 ءجۇز مىڭ ازاماتى ءومىر ءسۇرىپ جاتىر.

ال كورولدىكتىڭ شەنگەن ايماعىندا تەك 1 ملن 2 ءجۇز مىڭ عانا ازاماتى بار.

شولۋشى: ايگەرىم تاۋباي