وقىس وقيعا 5 شىلدە كۇنى بقو قازتالوۆ اۋدانى تالداپان اۋىلىندا ورىن العان، دەپ حابارلايدى قامشى اقپاراتتىق اگەنتتىگى موي گورود باسىلىمىنا سىلتەمە جاساپ.

اۋدان اكىمى ورىنباسارىنىڭ زايليم ماجيتوۆانىڭ ايتۋىنشا، توعىزىنشى سىنىپ وقۋشىسى ءوزىنىڭ ۇيىنەن اسۋلى كۇيىندە تابىلعان.

«ول قىزدىڭ وقۋ ۇلگەرىمى وتە جاقسى بولاتىن. 8 شىلدەدە ءوزىنىڭ قۇربىسىمەن استانا قالاسىنا ەكسپو كورمەسىنە بارۋعا دايىندالىپ جۇرگەن. وتباسىلارىندا 6 بالا بار، سولاردىڭ بەسىنشىسى. كوز جۇمار الدىندا جارتى ساعات بۇرىن ول قىز بارلىق قۇربىلارىنىڭ ءۇيىن ارالاپ شىعىپ، قوشتاسىپ قايتقان سەكىلدى. كەيىن ۇيىنە ورالعاننان سوڭ اسىلىپ قالعان. قىزدىڭ ءمايىتىن اتا-اناسى ۇيىنەن تاۋىپ العان»، - دەپ مالىمدەدى اكىم ورىنباسارى.

«ءمايىتتىڭ قاسىندا ول قىزدىڭ جازىپ قالدىرعان سوڭعى حاتى تابىلدى. ول ءوزىنىڭ حاتىندا ءبىر قارا ادامنىڭ ءوزىن بىرنەشە كۇننەن بەر ولىمگە شاقىرىپ جۇرگەندىگىن ايتقان. «ول ماعان ءوزىم اسىلىپ قالماسام، مەنىڭ جاقىندارىمنىڭ بارلىعىن ولتىرەمىن دەيدى. ءتىپتى، ءقازىردىڭ وزىندە ول مەنىڭ قاسىمدا تۇرىپ، اسىقتىرىپ جاتىر، سول سەبەپتى دە اسىعىس جازىپ وتىرمىن. مەنىڭ ولىمىمە ەشكىمدى كىنالاماۋلارىڭىزدى وتىنەمىن» - دەپ جازىلعان حاتتا»، - دەيدى زايليم ماجيتوۆا.

بەلگىلى بولعانداي، 16 جاستاعى قىزدىڭ بۇل ۋاقىتقا دەيىن ەشقانداي دا وقىس قىلىعى بايقالعان ەمەس.

اۋدارعان: نازەركە لابيحان