ءبىرىنشى ورتا سالماقتا ونەر كورسەتەتىن كانادالىق بوكسشى برەندون كۋك  قانات يسلامنان قانداي ءقاۋىپ كۇتەتىنىن ايتىپ بەردى دەپ حابارلايدى Qamshy.kz  اقپارات اگەنتتىگى kaz.vesti.kz-كە سىلتەمە جاساي وتىرىپ.

«قانات يسلام مىقتى بوكسشى ەكەنىن بىلەمىن. ول - چەمپيون. سوندىقتان دا مەن قيىن جاعدايدا تۇرمىن. مەن ونىڭ تەك ەكى عانا جەكپە-جەگىن كوردىم. سول ءۇشىن ونىڭ جۇدىرىقتاسۋ ءستيلى تۋرالى ەشتەمە ايتا المايمىن. نەگىزى كەزدەسۋ الدىندا قارسىلاسىمنىڭ جەكپە-جەگىن كورگىم كەلمەيدى. قارسىلاستى زەرتتەۋدى باپكەرىمە قالدىرامىن. 

مەن ءۇشىن قۋاناتىن ءجايت، ءبىر اي بۇرىن مەن جۇمىسىمنان شىعىپ كەتتىم. ەندى قانات يسلامعا قارسى كەزدەسۋگە الاڭسىز جاتتىعاتىن بولامىن. بۇعان دەيىن مەن 10 جىل بوكسپەن ەسىك-تەرەزە ورناتۋدى قاتار الىپ ءجۇردىم. 

قانات  مەنىڭ كارەرامداعى ەڭ مىقتى ءارى قاتال قارسىلاستارىمنىڭ ءبىرى، ءبىراق مەن وعان تويتارىس بەرۋگە دايىن بولامىن. 

بۇل جەكپە-جەك ءۇشىن جارتى الەمدى باسىپ ءوتىپ، قازاقستانعا بارۋعا دايىنمىن. مەنىڭ ارمانىم - چەمپيوندىق بەلبەۋگە تالاسۋ،-دەدى برەندون كۋك