جەڭىلىپ كورمەگەن كانادالىق بوكسشى دجوردان بالمير (5-0، 3 كو) قانات «QAZAQ» يسلام 24-0، 19 كو) وتكىزگەن سپورينگ تۋرالى جانە وتانداسىمىزدىڭ برەندون كۋكپەن (18-0، 11 كو) وتكىزەتىن كەزدەسۋىنە بولجام جاسادى، دەپ حابارلايدى Qamshy.kz  اقپارات اگەنتتىگى Vesti.kz سايتىنا سالتەمە جاساپ.

«مەن قانات يسلامنىڭ فلوريدادا سپوررينگ قارسىلاسى بولدىم. ونىمەن وتكىزگەن ءتورت راۋندتىڭ قورىتىندىسى بويىنشا، مىقتى بوكسشى ەكەنىن ءتۇسىندىم. ونىڭ ەكى قولىنىڭ دا سوققىسى جويقىن. وتە مىقتى. الىس قاشىقتىقتا دا، جاقىن قاشىقتا مىقتى جۇدىرىقتاسادى.

مەن كۋكتى جاقسى بىلەمىن. قانات يسلامنىڭ كۇشىن ءوز باسىمنان وتكىزدىم. مۇنى ايتقىم كەلمەيدى، ءبىراق كۋكتىڭ جەڭىسكە جەتەتىن مۇمكىندىگى جوق. ەگەر «QAZAQ» بار كۇشىن سالاتىن بولسا، كۋكتى ەسىنەن تاندىرىپ جىبەرۋى مۇمكىن. مەنىڭ ويىمشا، قانات يسلام نوكاۋتپەن جەڭىسكە جەتەدى»، – دەيدى بالمير.

ەسكە سالايىق، قانات يسلام مەن برەندون كۋك اراسىنداعى كەزدەسۋ 9 قىركۇيەك كۇنى ەلوردامىز استانا قالاسىندا وتەدى. كانادالىق بوكسشى ءوزىنىڭ سوڭعى كەزدەسۋىن وتانداسى ستيۆەن باتلەرگە قارسى وتكىزىپ، نوكاۋتقا تۇسىرگەن بولاتىن.

قانات يسلام بولسا ءوزىنىڭ سوڭعى كەزدەسۋىن 26 مامىر كۇنى مەكسيكالىق نوربەرتو گونسالەسكە قارسى وتكىزىپ، 12 راۋندتىڭ قورىتىندىسى بويىنشا تورەشىلەردىڭ شەشىمىمەن جەڭىسكە جەتتى. ءسويتىپ ورتا سالماقتاعى WBO NABO جانە WBA Inter-سontinental تۇجىرىمى بويىنشا چەمپيوندىق بەلبەۋلەرىن جەڭىپ الدى. قازىرگى ۋاقىتتا وتانداسىمىزدىڭ ەنشىسىندە 24 كەزدەسۋ بار جانە بوكسشىمىز ونىڭ بارلىعىندا جەڭىسكە جەتكەن. 19 كەزدەسۋدە ول قارسىلاستارىن نوكاۋتقا جىبەرگەن.