وڭتۇستىك قازاقستان وبلىسىندا جىل باسىنان بەرى التى ءجۋرناليستىڭ ۇستىنەن ازاماتتىق ءىس قوزعالىپ، سوتتا قارالعان. بۇل تۋرالى ازاتتىققا وبلىس پروكۋراتۋراسى باسقارما باستىعىنىڭ ورىنباسارى باقىتجان بەيسەمباي ۇلى ايتتى، دەپ جازادى Qamshy.kz اقپارات اگەنتتىگى.

باقىتجان بەيسەمباي ۇلىنىڭ سوزىنشە، 2017 جىلى التى ءجۋرناليستىڭ ۇستىنەن شاعىم تۇسكەن.

- تالاپ-ارىزدا ادامنىڭ قادىر-قاسيەتى مەن ار-نامىسىن قورلاعانى ءۇشىن مورالدىق شىعىن ءوندىرىپ بەرۋ تالاپ ەتىلگەن. سوت ءبىر تالاپ-ارىزدى قاناعاتتاندىردى. ەكى تالاپ-ارىز ەكى جاقتىڭ تاتۋلاسۋىنا بايلانىستى مەدياسيا تارتىبىمەن، قالعانى دالەل تابىلماعاندىقتان قىسقارتىلدى، - دەيدى پروكۋرور.

جۋرناليستەردىڭ قاي ب ا ق وكىلدەرىنەن ەكەنى اتالماسا دا ولار گازەت، تەلەارنا قىزمەتكەرلەرى ەكەنى ايتىلدى.

پروكۋرور 2016 جىلى وڭتۇستىك قازاقستان وبلىسىندا سەگىز ءجۋرناليستىڭ ۇستىنەن ارىز ءتۇسىپ، ءىس سوتقا جەتكەنىن ايتادى.