رەسەي ەلىنىڭ R&C كورمە عىلىمي-زەرتتەۋ ورتالىعى تمد مەن شىۇ-عا قاتىسۋشى مەملەكەت استانالارىنىڭ كونگرەستى-كورمە الەۋەتىنىڭ دەڭگەيىن كورسەتەتىن بىرەگەي حالىقارالىق زەرتتەۋ جۇرگىزدى دەپ حابارلايدى Qamshy.kz  اقپارات اگەنتتىگى قازاقپاراتقا سىلتەمە جاساي وتىرىپ.

اكىمدىك سايتىنىڭ حابارلاۋىنشا، زەرتتەۋ قورىتىندىسىنىڭ ناتيجەسىندە الەمنىڭ 14 قالاسىنىڭ ىشىندە حالىقارالىق ۇزدىك بەستىككە بەيجىڭ، ماسكەۋ، كييەۆ، نيۋ-دەلي جانە استانا كىرگەن. ودان كەيىنگى ورىندارعا بىشكەك، تاشكەنت، دۋشانبە، مينسك، كييەۆ، كيشينيەۆ، نيۋ-دەلي، يسلاماباد ي اشحاباد سىندى استانالار جايعاسقان.

«استانا كونۆەنشن بيۋرو» ج ش س بۇل رەيتينگتى جاساۋدا كوپ فاكتورلى ساراپتاما جۇرگىزىلگەنىن انىقتاپ وتىر. بۇل ءادىس تاعايىندالعان ورىنداردى باعالاۋدىڭ ماڭىزدى فاكتورلارىن سيپاتتايتىن ءتۇرلى كورسەتكىشتەردى بىرىكتىرۋگە نەگىزدەلگەن.

ساراپقا سالىنعان كورسەتكىشتەر بەس توپقا بىرىكتىرىلەدى. ماتەريالدى-تەحنيكالىق بازا دەڭگەيى قالانىڭ ءتۇرلى فورماتتاعى ىسكەرلىك شارالاردى وتكىزۋ مۇمكىندىگىن سيپاتتايدى. ءوڭىردى پوزيسيالاۋ جانە العا جىلجىتۋ ونىڭ ىسكەرلىك جانە ساۋىق شارالارىن وتكىزۋگە ىڭعايلى ورىن رەتىندە العا جىلجىتۋ مۇمكىندىگىن سيپاتتايدى.

يۆەنت يندۋسترياسى باعىتىنداعى تاڭداۋ ساياساتى نارىقتىڭ بارلىق قاتىسۋشىلارىن اكىمشىلىك تۇرعىدا ۇيلەستىرۋ دەڭگەيىمەن ولشەنەدى.

ءتۇرلى دەڭگەيدەگى شارا ۇيىمداستىرۋشىلار ءۇشىن ءىرى شارالاردى وتكىزۋ تاجىريبەسى ماڭىزدى.  بۇل جەردە سوڭعى ءۇش جىلدا ءىرى حالىقارالىق وقيعالاردى (سپورتتىق، مادەني، ىسكەرلىك، ۇكىمەتتىك) وتكىزۋ تاجىريبەسى باعالانادى.   ءوڭىردىڭ دەمالىس ايماقتارىنىڭ مۇمكىندىگى تۋريستىك كونتەنتپەن ولشەنەدى.

ايتا كەتەيىك، تاڭداۋ الەۋەتىنىڭ وقيعالىق رەيتينگى  - قازىرگى ۋاقىتتا رەسەي نارىعىنداعى بىرەگەي جوبا. رەيتينگ اۆتورى - رەسەيدەگى  يۆەنت-يندۋستريانىڭ كونسالتينگ جانە ماركەتينگ قىزمەتىنىڭ بارلىق تۇرلەرىن كورسەتەتىن بىردەن ءبىر كومپانيا بولىپ سانالاتىن R&C كورمە عىلىمي-زەرتتەۋ ورتالىعى.