ەستەرىڭىزدە بولسا "قامشى" پورتالى ناۋىرىزعا دەيىن «جاڭا جىل» دەگەن ءسوزدى جازبايتىن، اتامايتىن بولىپ، قازاق جۋرناليستەرىنە ۇندەۋ تاستاعان. ەندى مىنە وڭتۇستىكتەن وڭ حابار كەلدى. وبلىس اكىمى اسقار مىرزاحمەتوۆ تاۋەلسىزدىك مەرەكەسىنە دەيىن «جاڭا جىل» دەپ جالاۋلاتپاۋدى قول استىنداعىلارىنا تاپسىردى. بۇل تۋرالى وڭتۇستىك قازاقستان وبلىسى اكىمى اپپاراتى باسشىسىنىڭ ءورىنباسارى-باسپاسوز حاتشىسى بەرىك ۋاليدەن بىلدىك:

ءوزىمىز جۋرناليست بولىپ قىزمەت ەتىپ جۇرگەندە اكىمدەرگە "نەگە جاڭا جىلدىق قۇتتىقتاۋلار تاۋەلسىزدىك مەيرامىنان بۇرىن ىلىنەدى؟ ءبىز ءۇشىن ەڭ ۇلىق مەرەكە تاۋەلسىزدىك كۇنى ەمەس پە؟! مۇنى رەتتتەۋگە بولماي ما؟" دەگەن سۇراقتى ءجيى قوياتىنبىز. ال، ءقازىر مەملەكەتتىك قىزمەتتەمىز. ەندى بۇل ماسەلەگە نازار اۋدارماساق وزىمىزگە سىن. سوندىقتان، وبلىس اكىمى اسقار مىرزاحمەتوۆكە وبلىستاعى قالالار مەن ەلدىمەكەندەرگە، عيماراتتارعا جاڭا جىلدىڭ قۇتتىقتاۋلارىن 17 جەلتوقساننان بۇرىن ىلگىزبەۋ كەرەك دەگەن ۇسىنىس ايتتىق. اكىم بۇل ۇسىنىسىمىزدى قولداپ، ءتيىستى مەكەمەلەرگە، اۋدان، قالا اكىمدەرىنە تاپسىرما بەردى. ءبىزدىڭ پايىمداۋىمىزشا تاۋەلسىزدىك مەرەكەسىن ۇلىقتاۋ وسىنداي ۇساق-تۇيەك شارۋالاردان باستاۋ الادى. بالكىم، مۇنى ۇساق-تۇيەك دەۋگە كەلمەيتىن شىعار، دەگەنمەن، وبلىس اكىمنىڭ بۇل ماسەلەگە كوڭىل ءبولۋى ءبىزدى قۋانتىپ تاستادى. جالپى، وڭتۇستىك قازاقستان وبلىسىندا جاڭا جىلدىڭ شىرشاسى تاۋەلسىزدىك كۇنىنەن بۇرىن تىگىلمەيتىن ءداستۇر بار ەكەن. جاڭا باستاما وسى يگى ءداستۇردى تولىقتىرا تۇسەتىنى انىق.