ح. ەسىمدى ازامات ەلىمىزدىڭ كوشى-قون زاڭناماسىن ۇزاق زەرتتەي كەلە مىناداي قىزىق ماعلۇماتتارعا تاپ بولادى: ورالماندارعا قوماقتى قاراجات تولەنەدى ەكەن. اتاپ ايتقاندا، مەملەكەت تاريحي وتانىنا كوشىپ كەلگەندەرگە تۇراقتى مەكەن-جايىنا دەيىنگى جول اقىسىمەن قوسا، وزدەرىنىڭ مۇلكىن دە تاسىپ-كوشىرۋگە ارنالعان شىعىندارىن كوتەرەدى. مۇنى بىلگەن ح. ءوزىن جانە بۇكىل وتباسىن قايتكەن كۇندە ورالمان ەتىپ شىعارۋعا بەل بايلايدى. ىقتيمال پايدا مولشەرىن ەسەپتەگەن ول ءوز جوسپارىمەن الدەبىر و. اتتى ازاماتپەن جانە تەرگەۋمەن انىقتالماعان تاعى بىرنەشە ادامدارمەن بولىسەدى. قىلمىستىق توپ ح.-عا قايدان ەكەنى بەيمالىم موڭعول تىلىندە نەكە قيۋ تۋرالى جانە بەس بالانىڭ تۋۋى تۋرالى كۋالىكتەردى الۋعا كومەكتەسەدى. قۇجاتتاردى قازاق تىلىنە اۋدارىپ، نوتاريۋسقا كۋالاندىرىپ، وبلىستىق كوشى-قون دەپارتامەنتىنە ۇسىنادى. بۇل مەكەمە ماماندارى ح-عا ورالمان مارتەبەسىن بەرىپ، ونىمەن قوسا جاردەماقى دا تولەگەن. سالدارىنان ح. جانە و.، سونداي-اق ازىرگە بوستاندىقتا جۇرگەن ولاردىڭ سىبايلاستارى مەملەكەتكە 1 172 000 تەڭگە كولەمىندە زيان كەلتىرگەن. دەرەككوز: BNews.kz
پىكىر قالدىرۋ