«قولجەتىمدى تۇرعىن ءۇي – 2020» باعدارلاماسى شەڭبەرىندە «قازاقستاننىڭ تۇرعىن ءۇي قۇرىلىس جيناق بانكى» مەن باتىس قازاقستان وبلىستىق اكىمدىگى ىنتىماقتاستىق تۋرالى كەلىسىمگە قول قويدى.
بۇل كەلىسىمنىڭ ناتيجەسىندە ءبورلى اۋدانىنا قاراستى اقساي قالاسىنىڭ قاراشىعاناق-1 شاعىناۋدانىندا بارلىق ساناتتى ازاماتتارعا ارنالعان 144 پاتەرلى تۇرعىن ءۇيدىڭ قۇرىلىسى باستالماق. سالىناتىن تۇرعىن ۇيدە بارلىعى 144 پاتەر بولادى. ونىڭ ىشىندە «قازاقستاننىڭ تۇرعىن ءۇي قۇرىلىس جيناق بانكى» اق جەلىسى بويىنشا تاپسىرىلاتىنى 72 پاتەر. باسپانا باعاسى – 1 شارشى مەترگە 100 000 (ءجۇز مىڭ) تەڭگە. قۇرىلىستىڭ اياقتالۋ مەرزىمى: 2015 جىلدىڭ قىركۇيەك ايىنىڭ سوڭى. ال، تۇرعىن ءۇيدى ساتىپ الۋشىلار مەن جالعا الۋشىلاردىڭ پۋلىنا قاتىسۋعا ءوتىنىش قابىلداۋ مەرزىمى 2015 جىلدىڭ 30-ماۋسىمىنان باستالماق.
پىكىر قالدىرۋ