يوردانيانىڭ فارماسەپتيكالىق كومپانياسى قازاقستان نارىعىن «حالال» دارى-دارمەكتەرمەن قامتاماسىز ەتپەك. بۇل تۋرالى Qamshy.kz حابارلايدى.

كومپانيانىڭ ەكسپورت مەنەدجەرى احمەد جابەردىڭ ايتۋىنشا «حالال» دارى-دارمەكتەر قۇرامىندا شوشقا مايى مەن الكاگولدىك زاتتاردىڭ قوسپاسى بولماۋىمەن ەرەكشەلەنەدى. جالپى، حالال دارى-دارمەكتەردىڭ ساتىلىمداعى حالىقارالىق ۇلەسى 5% عانا قۇرايدى. تەك مۇسىلمان ەلدەردى عانا «حالال» ستاندارتتى ءونىمدى تۇتىناتىن كورىنەدى. قازىرگى تاڭدا تاۋارلار ەكسپورتتىق سەرتيفيكات الۋ ءۇشىن، ساپالىق دەڭگەيىن انىقتايتىن تەكسەرىستەردەن وتۋدە. بۇل رەتتە احمەد جابەر «ءبىز بۇل ونىمدەرىمىزبەن نارىقتاعى وزگە دە شەت ەلدىك تاۋارلارمەن باسەكەلەس بولامىز دەپ ايتا المايمىز. ءبىراق، ءبىزدىڭ ونىمدەرىمىزدىڭ ساپاسى مەن ادام اعزاسىنا اسەر ەتۋى عىلىمي تۇردە دالەلدەنگەن» دەيدى. قازاقستانداعى «فارممەديندۋستريا» قاۋىمداستىعىنىڭ ءتوراعاسى سەرىك سۇلتانوۆ ازىرگە ەلىمىزدە حالال دارى-دارمەكتەر ساتىلىمدا جوقتىعىن حابارلادى. بىزدە حالال ستاندارتىنا ساي شۇجىق پەن ازىق-تۇلىكتىڭ باسقا دا تۇرلەرى وندىرىلەدى.

ورىنباسار باقىتبەك